Gujarati News

Gujarati News

News of Thursday, 3rd December 2020

એકતા સોસાયટીમાં ચેતન ટીમાણીયાના મકાનમાં દરોડો : પત્તા ટીંચતા ૪ ઝડપાયા

મકાન માલીક ચેતન તથા દિલીપસિંહ, ઇકબાલ અને નરશીની ધરપકડ

રાજકોટ તા. ૩ : પરાપીપળીયા પાસે એકતા સોસાયટીમાં એક મકાનમાં જુગારધામ ચાલતુ હોવાની બાતમીના આધારે ગાંધીગ્રામ પોલીસે દરોડો પાડી જુગાર રમતા ચાર શખ્સોને પકડી લીધા હતા.

મળતી વિગત મુજબ પરાપીપળીયા પાસે આવેલી એકતા સોસાયટીમાં મકાનમાં કેટલાક શખ્સો જુગાર રમતા હોવાની ગાંધીગ્રામ પોલીસ મથકના હેડ કોન્સ. હંસરાજભાઇ જાપડીયાને બાતમી મળતા પીઆઇ કે.એ.વાળાના માર્ગદર્શન હેઠળ પીએસઆઇ આર.એસ.પટેલ, એચ.વી.સોમૈયા તથા હેડ કોન્સ. ખોડુભા, વનરાજભાઇ, હંસરાજભાઇ તથા કિશોરભાઇ સહિતે એકતા સોસાયટીમાં ચેતન કિશોરભાઇ ટીમાણીયાના મકાનમાં દરોડો પાડી જુગાર રમતા મકાન માલીક ચેતન ટીમાણીયા તથા એકતા સોસાયટી ૨૫ વારીયા કવાર્ટરના દિલીપસિંહ પ્રતાપસિંહ ઝાલા, ઇકબાલ આમદભાઇ શેખ અને નરશી ભીખાભાઇ વાઘેલાને પકડી લઇ રૂ. ૧૦૫૭૦ની રોકડ સહિતની મત્તા કબ્જે કરી હતી.

(2:49 pm IST)
  • મોડી રાત્રે વાવાઝોડાની અસર રૂપે તામિલનાડુમાં ઠેરઠેર અતિભારે વરસાદ પડી ગયો છે ચેન્નાઈમાં આવતીકાલે સવાર સુધી અતિભારે વરસાદની આગાહી થઈ છે જ્યારે તામિલનાડુમાં સોમવાર સુધી વરસાદ વરસતો રહેશે તેવી ધારણા છે access_time 11:50 pm IST

  • દેશનું સર્વશ્રેષ્ઠ પોલીસ સ્ટેશન મણીપુરમાં આવ્યુ છે : દેશના સર્વશ્રેષ્ઠ ૧૦ પોલીસ સ્ટેશનોના કેન્દ્ર સરકારે નામો જાહેર કર્યા છે : મણીપુરનું ‘નોîગકોક સેકમાઈ’ સૌથી પ્રથમ નંબરે આવે છે જયારે તામિલનાડુનું એડબલ્યુપીએસ - સુરમંગલમ બીજા નંબરે અને અરૂણાચલપ્રદેશનું ખારસંગ પોલીસ સ્ટેશન ત્રીજા નંબરે આવે છે. access_time 4:05 pm IST

  • ખેડૂત આંદોલનના સમર્થનમાં બીજો પુરસ્કાર પરત : પંજાબના પૂર્વ મુખ્યમંત્રી પ્રકાશસિંઘ બાદલે ' પદ્મ વિભૂષણ ' એવોર્ડ પરત કર્યા બાદ હવે રાજ્યસભાના સાંસદ સુખદેવ ઢીંડસાએ ' પદ્મ ભૂષણ ' એવોર્ડ પરત કર્યો : છેલ્લા બે મહિનાથી કૃષિ ધારાનો વિરોધ કરી રહેલા ખેડૂતોનો અવાજ કેન્દ્ર સરકારના બહેરા કાને સંભળાતો નથી access_time 6:15 pm IST