Gujarati News

Gujarati News

News of Thursday, 3rd December 2020

મ.ન.પા.ની સેન્ટ્રલ ઝોન કચેરી નવી બન્યાનાં વર્ષો પછી તંત્રને પી.ઓ.પી. ડેકોરેશનનું સુઝયું!

નવી કચેરી બની તે વખતે ડેવલોપરનાં ખર્ચે કામ થઇ જાત હવે પ્રજાનાં ખર્ચે તાગડધિન્ના?

રાજકોટઃ મ.ન.પા.ની સેન્ટ્રલ ઝોન કચેરીને વર્ષો અગાઉ બી.ઓ.ટી. ધોરણે એટલે કે લોકભાગીદારીથી નવી નકોર બનાવાઇ હતી. તે વખતે ડેવલોપરને ૧પ૦ ફુટ રીંગ રોડ પર કિંમતી જમીન મફતમાં આપી તેનાં બદલે આ નવા બિલ્ડીંગનું બાંધકામ-ફર્નિચર વગેરે ડેવલોપરે કરી આપેલ પરંતુ તે વખતે પદાધિકારીઓનાં વિભાગની લોબીમાં પી.ઓ.પી. ડેકોરેશન કરાવાયું ન હતું અને હવે વર્ષો પછી કોણ જાણે કેમ તંત્રને પી.ઓ.પી. ડેકોરેશન કરાવવાનું સુઝયું હોય તેમ છેલ્લા બે દિવસથી પદાધિકારીઓની ચેમ્બરો-શાસકપક્ષ કાર્યાલયની લોબીમાં કોઇ ઇમરજન્સી ન હોવા છતાં પી.ઓ.પી. ડેકોરેશનનાં કામનો ધમધમાટ શરૂ થયો છે જે તસ્વીરમાં નજરે પડે છે. આમ જો બિલ્ડીંગનાં નિર્માણ વખતે જ પી.ઓ.પી. થઇ ગયું હોત તો ડેવલોપરનાં ખર્ચે થઇ ગયું હોત તો ડેવલોપરનાં ખર્ચે કામ થઇ જાત જયારે હવે વર્ષો પછી આ કામ થતાં તેનો ખર્ચ પ્રજાની તિજોરીમાંથી જ થશે. તેવા સંજોગો સર્જાયા છે.

(2:44 pm IST)