Gujarati News

Gujarati News

News of Tuesday, 3rd December 2019

આઠ વર્ષની બાળા સાથે દુષ્કર્મ આચરનાર નરાધમને કડક સજા અપાવોઃ એનએસયુઆઇ

રિક્ષા સ્ટેન્ડ અને સીટી બસ સ્ટેન્ડ પાસે સીસીટીવી કેમેરા ફીટ કરવા પોલીસ કમિશનરને રજુઆત

રાજકોટ : ભાવનગર રોડ પર ખુલ્લામાં સુતેલા મજૂર પરિવારની ૮ વર્ષની બાળાને શુક્રવારે રાતે એક શખ્સ બાળા જેમાં  સૂતી હતી એ ગોદડામાં જ વીંટાળીને અપહરણ કરી પુલ નીચે લઇ જઇ દુષ્કર્મ આચર્યાના બનાવમાં ક્રાઇમ બ્રાંચ તથા થોરાળા પોલીસે હરદેવ માંગરોળીયા (રહે. ભારતનગર-૮) ની ધરપકડ કરી હતી આ બનાવ મામલે એનએસયુઆઇના પ્રેસીડેન્ટ નરેન્દ્રભાઇ સોલંકી તથા ગુજરાત એનએસયુઆઇના ઉપપ્રમુખ સુરેશભાઇ ડેર, યુથ કોંગ્રેસ મંત્રી હરપાલસિંહ જાડેજા, અમીતભાઇ પટેલ, રાજકોટ જીલ્લા યુથ કોંગ્રેસ પ્રમુખ મુકુંદભાઇ ટાંક, રાજકોટ એનએસયુઆઇના પૂર્વ પ્રમુખ મયુરભાઇ વાંક, તથા રવીભાઇ જીતીયા, બોનીભાઇ, દિગ્પાલસિંહ, માધવભાઇ, આશીષભાઇ, હરવિજસિંહ, મીલનભાઇ, દર્શિલભાઇ, ભાવેશભાઇ, મુકેશભાઇ તથા સિદ્ધાર્થભાઇ સહિતના સભ્યોએ શહેર પોલીસ કમિશનરને આરોપીને કડક સજા અપાવવા માટે માંગણી કરી હતી અને શાળા, કોલેજો તથા યુનિવર્સિટીમાં હજારોની સંખ્યામાં નાના-મોટા વિદ્યાર્થીઓ અને વિદ્યાર્થીનીઓ રીક્ષા અથવા સીટી બસનો ઉપયોગ કરતા હોઇ છે. આથી ભવિષ્યમાં કોઇ અનિચ્છનીય બનાવ ન બને તે માટે રીક્ષા સ્ટેન્ડ અને સીટી બસ સ્ટેન્ડ પાસે સીસી ટીવી કેમેરા મુકી અને પોલીસ કંટ્રોલ રૂમ સાથે જોડવામાં આવે તેવી માંગણી કરી હતી. (તસ્વીર સંદિપ બગથરીયા)

(3:54 pm IST)
  • પોરબંદરના કુતિયાણામાં મોડી સાંજે વરસાદી ઝાપટું :જગતના તાતની હાલત કફોડી બની access_time 11:23 pm IST

  • વિજયભાઈ રૂપાણીના ભત્રીજા અને ભત્રીજા વહુને બગોદરા પાસે અકસ્માત : બંને હેમખેમ : ઝાયડ્સ હોસ્પિટલમાં એક દિવસ દેખરેખ હેઠળ રાખેલ છે : આજે બપોરે મુખ્યમંત્રી શ્રી વિજયભાઈ રૂપાણીના સગા ભત્રીજા શ્રી અમિનેષ રૂપાણી અને તેમના પત્નિ શ્રીમતી વિમી રૂપાણીને બગોદરા પાસે અકસ્માત નડ્યો હતો. સામેની સાઇડેથી ગમે તે કારણોસર કોઈ મોટર અમિનેષના મોટરની દિશામાં આવી ટકરાતા અમિનેષને અને તેના પત્નિ બંનેને તાત્કાલીક અમદાવાદ સાવચેતીરૂપે લઈ જવામાં આવેલ. ઝાયડ્સ હોસ્પિટલમાં સીટી સ્કેન અને બધી જ તપાસ કરતા સંપૂર્ણ નોર્મલ અને ભયમુકત હોવાનું જાણવા મળે છે, આમ છતા તેમને એક દિવસ ઓબ્ઝર્વેશનમાં રાખવામાં આવ્યા છે. અમિનેષ અને વિમીબેનની તબિયત સારી છે. બંને ભયમુકત છે. access_time 3:56 pm IST

  • ભાજપના સાંસદે સોનિયાને ઘુસણખોર કહેતા લોકસભામાં કોંગ્રેસનો હંગામો : સંસદીય મંત્રી પ્રહલાદ જોષીના નિવેદન કે લોકોએ પીએમ મોદીને બીજીવાર ચૂંટીને મોકલ્યા છેઃ કોંગ્રેસના ખુદના નેતા ઘુસણખોર છે access_time 3:57 pm IST