Gujarati News

રાજકોટ તા. ૩: રાજકોટ-ભાવનગર હાઇવે પર આવેલા કાળીપાટમાં રહેતાં અને ખેત મજૂરી કરતાં જસમતભાઇ સાર્દુલભાઇ મકવાણા (કોળી) (ઉ.૪૫)ને ગામના જ જેન્તી કોળી, સુરેશ કોળી અને રાજુ કોળીએ જુના ઝઘડાનો ખાર રાખી ધોકા-પાણાથી હુમલો કરી ઇજા કરતાં સારવાર માટે રાજકોટ સિવિલ હોસ્પિટલમાં દાખલ કરવામાં આવતાં આજીડેમ પોલીસને જાણ કરવામાં આવી હતી.

બીજા બનાવમાં ચોટીલાના ધ્રોકડવામાં રહેતાં રાજૂભાઇ રતાભાઇ મકવાણા (ઉ.૩૫)ને ગામમાં સાંજે આઠેક વાગ્યે કોઇ અજાણ્યા શખ્સે ધોકાથી માર મારતાં સિવિલ હોસ્પિટલમાં ખસેડાયો હતો. ચોકીના સ્ટાફે ચોટીલા જાણ કરી હતી.