Gujarati News

રાજકોટ,તા.૩: તહેવારોની ઉજવણી કરવા માટે રંગીલા રાજકોટવાસીઓ હંમેશા તૈયાર જ રહે છે અને તેમાં પણ નવરાત્રી હોઈ એટલે વાત જ પૂછવાની ન રહે... રાજકોટના યુવા પત્રકારો અને સનરાઈઝ સ્કૂલના સંયુકત આયોજન સાથે એક દિવસીય નવરાત્રી મહોત્સવનું ધમાકેદાર આયોજન તા.૫ના શુક્રવારે શહેરના રેસકોર્ષ સ્થિત બાલ ભવન ખાતે કરવામાં આવ્યું છે. સુંદર બેઠક વ્યવસ્થા સાથે સહ પરિવાર આયોજન માણી શકાય તેવી વ્યવસ્થા કરવામાં આવી છે. જાણીતા ગરબા ગાયકો અને ૩૦ હજાર વોટની સાઉન્ડ સિસ્ટમ્સ સાથે બેનમૂન લાઈટીંગ વ્યવસ્થા કરવામાં આવી છે.

સમગ્ર આયોજન યુવા પત્રકાર રવિભાઈ ચાવડા, પાર્થભાઈ લાઠીગરા, ભાર્ગવભાઈ હૂંબલ, સંદીપભાઈ હૂંબલ, સુકેતુભાઈ, ધર્મેશભાઈ જહેમત ઉઠાવી રહ્યા છે. વેલકમ ગ્રુપ આયોજીત એક દિવસના રાસોત્સવ માટે સનરાઈઝ સ્કૂલના દાનાભાઈ હૂંબલ, અમિતભાઈ ચાવડા, મયુરભાઈ લાઠીગરાનું માર્ગદર્શન મળ્યું છે. વધુ માહિતી માટે મો.૯૮૨૪૦ ૦૦૨૦૭ / ૯૮૨૪૫ ૮૭૬૧૩ ઉપર સંપર્ક કરવા યાદીમાં જણાવાયું છે. (તસ્વીરઃ સંદીપ બગથરીયા)