Gujarati News

રાજકોટ તા. ૩ :.. વોર્ડ નં. ર નાં ચૂડાસમા પ્લોટની શેરીમાં ગટરનાં પાણી વાળું પાણી વિતરણ થતા લતાવાસીઓમાં જબરો દેકારો બોલી ગયેલ અને રોગચાળાનો ભય ફેલાયો હતો. જો કે આ બાબતે વોર્ડ નં. ર નાં કોર્પોરેટરો મનીષ રાડીયા, જયમીન ઠાકર, ડો. દર્શિતા શાહ, સોફીયાબેન દલને જાણ થતા તેઓએ આ તાત્કાલીક સ્થળ પર જેટીંગ મશીન મોકલી પાઇપ લાઇન સાફ કરાવીને સમસ્યા ઉકેલી હતી.

આ અંગેની પ્રાપ્ત માહિતી મુજબ શહેરનાં હાર્દ સમા રૈયા રોડ પર આમ્રપાલી ફાટકે રેલ્વ તંત્ર દ્વારા અન્ડરબ્રીજની કામગીરી કરવામાં આવી રહી છે. જો અન્વેય મ્યુ. કોર્પોરેશન દ્વારા આ વિસ્તારમાં ડ્રેનેજની લાઇન શીફટીંગનું કામ ચાલી રહ્યુ છે. ત્યારે વોર્ડ નં. ર માં ચુડાસમા પ્લોટ વિસ્તારમાં ગઇકાલે ભુગર્ભ ગટર સાફ કરવામાં ગઇકાલે જેના કારણે આજ સવારે આ વિસ્તારની અક શેરીમાં થોડીવાર ગંદુ પાણી આવતા વિસ્તારવાસીઓમાં ગભરાટ ફેલાયો હતો.

આ સમસ્યા હલ કરવા લતાવાસીઓએ વોર્ડ નં. ર ના કોર્પોરેટરોને જાણ કરતા તેઓએ વોર્ડનાં ઇજનેરોને આ પ્રશ્ન તાકિદે ઉકેલવા જણાવ્યું હતું.

વોર્ડનાં ઇજનેરો દ્વારા યુધ્ધનાં ધોરણે કામગીરી કરવામાં આવી હતી. આ શેરીમાં જોટિંગ મશીનથી લાઇન સાફ કરવામાં આવી હતી.