Gujarati News

રાજકોટ તા.૩: BSNL દ્વારા ગુજરાતમાં સૌ પ્રથમ રાજકોટમાં આધુનિક નોકીયા મોબાઇલ સ્વીચ ફીટ કરવામાં આવી છે, સૌરાષ્ટ્રમાં બીએસએનએલ મોબાઇલ નેટવર્કમાં સુધારો થશે અને તેમાં સ્પીડ અને કવરેજમાં દોઢ ગણો વધારો થશે. ઉચ્ચ અધિકારીઓની ઉપસ્થિતિમાં આ મોબાઇલ સ્વીચનું લોકાર્પણ કરવામાં આવ્યું હતું.કસ્તુરબા રોડ ટેલિફોન એકસચેન્જમાં મુકાયેલ મોબાઇલ સ્વીચથી નેટવર્કની સ્પીડ અને કવરેજમાં લગભગ દોઢગણો વધારો થશે. આ સ્વીચમાં ફોર-જી નેટવર્કની ટેકનિકલ જોગવાઇ છે જે આ મોબાઇલ સ્વીચનો લાભ રાજકોટ ઉપરાંત  સૌરાષ્ટ્રના જામનગર, ભાવનગર, જૂનાગઢ,અમરેલી અને ભુજની મોબાઇલ સેવાઓને મળશે અને સ્પીડ તથા ગુણવત્તામાં વધારો થશે.