Gujarati News

Gujarati News

News of Saturday, 3rd March 2018

ખંઢેરી પાસે હોટેલમાં રાજકોટની ત્રણ મહિલાની બઘડાટીઃ સંચાલકની પત્નીને માર માર્યો

ફોનમાં અભદ્ર ભાષામાં વાત કરવાની ના પાડતા તુટી પડીઃ ત્રણ મહિલા પૈકી એક દારૂ પીધેલ હતીઃ ત્રણેયની ધરપકડ

રાજકોટ, તા., ૩: રાજકોટની ભાગોળે ખંઢેરી ગામ પાસે હોટેલના પટાંગણમાં ફોનમાં અભદ્ર ભાષામાં વાત કરવાની ના પાડતા હોટેલ સંચાલકના પત્ની પર રાજકોટની ત્રણ મહિલાઓએ હુમલો કરી માર માર્યો હતો. ત્રણ પૈકી એક મહિલા દારૂ પીધેલ હાલતમાં હોય તેની સામે અલગથી પ્રોહીબીશનનો ગુન્હો દાખલ કરી ત્રણેયની ધરપકડ કરાઇ હતી.

પ્રાપ્ત વિગતો રાજકોટ-જામનગર રોડ પર ખંઢેરી સ્ટેડીયમ નજીક આવેલ ધ મુરલીધર ગ્રાન્ડ હોટેલ સંચાલકના પત્ની પ્રતિભાબેન એભલભાઇ કુહાડીયાએ ગાયત્રીબા રવિરાજસિંહ પરમાર રે. ચિત્રકુટ મહાદેવ મંદિર પાસે ક્રિસ્ટલ મોલ પાસે રાજકોટ ચાંદનીબેન ધર્મેન્દ્રભાઇ રજપુત રે. પુનીતનગર વાવડી ગામ પાસે રાજકોટ તથા રાધીકા ઉર્ફે રાખી હર્ષદભાઇ ધામેચા રે. રૈયા ચોકડી બાપા સીતારામ ચોક નજીક રાજકોટ સામે પડધરી પોલીસમાં ફરીયાદ નોંધાવી હતી.

ફરીયાદમાં જણાવ્યા મુજબ ગત તા. ૧ ના રાત્રીના ૧૦ વાગ્યે હોટલમાં ઉકત ત્રણ મહિલાઓ નાસ્તો કરવા માટે આવી હતી. ત્યારે હોટેલના પટાંગણમાં એક મહિલા મોબાઇલ ફોન પર ઉંચા અવાજે અભદ્ર ભાષામાં વાત કરતી હોય ફરીયાદી પ્રતિભાબેને આવી નીચા અવાજે વાતો કરવા અને અભદ્ર ભાષા બોલવાની ના પાડતા ઉકત ત્રણેય મહિલાઓએ ઉશ્કેરાઇ જઇ ઝઘડો કરી ફરીયાદી પર હુમલો કરી ઢીકા પાટુનો માર માર્યો હતો અને ત્રણ પૈકી એક મહિલાએ છરી બતાવી ધમકી આપી હતી. ત્યાર બાદ ત્રણ પૈકી બે મહિલા એક કાર બોલાવી તેમાં નાસી છુટી હતી. જયારે અન્ય એકને મહિલાને હોટેલના સ્ટાફે ઝડપી લીધી હતી.

આ દરમિયાન ફરીયાદીના પતિએ પડધરી પોલીસને જાણ કરતા પોલીસ ઘટના સ્થળે દોડી આવી હતી. પકડાયેલ મહિલા ગાયત્રીબા પરમાર દારૂ પીધેલ હાલતમાં હોય તેની ધરપકડ કરાઇ હતી.

પડધરી પોલીસે ઇજાગ્રસ્ત પ્રતિભાબેનની ફરીયાદ પરથી ઉકત ત્રણેય સામે ગુન્હો દાખલ કર્યો હતો. ગઇકાલે નાસી છુટેલ અન્ય બે મહિલા ચાંદની રજપુત તથા રાધીકા ઉર્ફે રાખી ધામેચાની પણ પડધરી પોલીસે ધરપકડ કરી હતી.

પોલીસના જણાવ્યા મુજબ ઉકત ત્રણેય મહિલા જામનગરથી રાજકોટ આવતી હતી અને હોટેલમાં નાસ્તો કરવા ગયા બાદ આ બઘડાટી થઇ હતી. પકડાયેલ ત્રણ મહિલા પૈકી ગાયત્રીબા પરમારને પતિ સાથે અણબનાવ હોય કેસ ચાલે છે. ચાંદની અપરણીત છે. જયારે રાધીકા પરણીત છે. વધુ તપાસ મહિલા પોલીસ જમાદાર પુજાબેન મંડલીક ચલાવી રહયા છે.

(11:23 am IST)
  • વલસાડના મોહન ગામ પાસે 90,000 રોકડ અને 45 તોલા સોનાની રિવોલ્વોર અને ઘાતક શસ્ત્રો બતાવી ચલાવાઈ લૂંટ : 2 કારમાં આવ્યા હતા લૂંટારૂઓ : પરિવારજનોને ઘરમાં બંધક બનાવી ચલાવી લૂંટ : વલસાડ પોલીસનો મોટો કાફલો ઘટના સ્થળે પહોંચ્યો access_time 9:42 am IST

  • કોંગ્રેસે તાબડતોબ રાજકીય રેસ્કયુ ટીમ મેઘાલય મોકલી : મેઘાલયમાં સરકાર રચવાના છેલ્લી ઘડીના પ્રયાસો માટે કોંગ્રેસે તેના ટોચના નેતાઓ અહેમદ પટેલ, કમલનાથ, મુકુલ વાસનીકને તાબડતોબ શિલોંગ મોકલ્યા છે : કોંગ્રેસ અહીં સરકાર રચવા તમામ પ્રયાસો કરી રહી છે : છેલ્લા અહેવાલ પ્રમાણે કોંગ્રેસ ૨૧ બેઠક ઉપર અને એનપીપી (નાગા પીપલ્સ પાર્ટી) ૧૬ બેઠક ઉપર આગળ છે : અન્ય ૧૪ ઉપર આગળ છે access_time 11:16 am IST

  • અમેરિકાના વ્હાઇટ હાઉસના નોર્થ લોન વિસ્તારમાં બે ગન ફાયરનાં ધડાકા થયા હોવાનું સિક્રેટ સર્વિસના હવાલાથી જાણવા મળે છે : સુરક્ષા એજન્સીઓએ વ્હાઇટ હાઉસને ઘેરી લીધું : વ્હાઇટ હાઉસમાં કરાયું 'લોક ડાઉન' : સમગ્ર વિસ્તારમાં કોડ રેડ જાહેર કરાયો : વ્હાઇટ હાઉસની અંદર રહેલા લોકોને સુરક્ષિત સ્થળે ખસેડાયા : વધુ સત્તાવાર વિગતો મેળવાય રહી છે. access_time 10:55 pm IST