Gujarati News

Gujarati News

News of Saturday, 3rd February 2018

વિપક્ષી નેતા મોટરકારમાં કલેકટર કચેરીએ આવતા આચારસંહિતા ભંગઃ ભાજપનો આક્ષેપ

રાજકોટ : આજે વોર્ડ નં. ૪ની પેટાચુંટણીના ઉમેદવારોના ફોર્મ જુની કલેકટર કચેરી ખાતે ભરવામાં આવ્યા તે વખતે વિપક્ષી નેતા વસરામભાઇ સાગઠિયા તેઓને હોદ્દાની રૂએ મળેલ મોટરકાર લઇને કચેરીના કમ્પાઉન્ડમાં આવતા ભાજપના પદાધિકારીઓએ આ બાબતે વિપક્ષી નેતાએ આચારસંહિતાનો ભંગ થયાનો આક્ષેપ કરી અને રિટર્નીંગ ઓફિસર આ મુદ્દે નિયમ મુજબ વિપક્ષ સામે પગલા લ્યે તેવી માંગ ઉઠાવી છે. શહેર ભાજપ પ્રમુખ કમલેશ મીરાણીએ પ્રતિક્રિયા આપતા જણાવેલ કે, તમામ પક્ષે ચુંટણીપંચને માન આપવુ જોઇએ પરંતુ વિપક્ષી નેતા વસરામભાઇએ આચારસંહિતનો છડેચોક ભંગ કરી લોકશાહીને લાંછન લગાડયું છે. તસ્વીરમાં વિપક્ષી નેતાની મોટરકાર કચેરીના કમ્પાઉન્ડમાં પડેલી દર્શાય છે. ઇન્સેટમાં વિપક્ષી નેતા વસરામભાઇ સાગઠિયા નજરે પડે છે. (તસ્વીર : સંદિપ બગથરીયા)

(4:03 pm IST)
  • ઉત્તર-પશ્ચિમ પાકિસ્તાનના સ્વાત જિલ્લામાં લશ્કરી ચેકપૉઇન્ટમાં એક ભયંકર આત્મઘાતી હુમલામાં ઓછામાં ઓછા 11 પાકિસ્તાની સૈનિકો માર્યા ગયા છે અને 13 લોકો ઘાયલ થયા છે : આ હુમલાની જવાબદારી તેહરિક-એ-તાલીબાન આતંકી સંગઠને લીધી છે. access_time 1:19 am IST

  • અમદાવાદ : અમિતભાઈ શાહના પુત્ર જય શાહે ખાનગી ન્યૂઝ પોર્ટલ (ધ વાયર પોર્ટલ) સામે કરેલી બદનક્ષીની ફરીયાદનો મામલો : આજે મેટ્રો કોર્ટમાં પોર્ટલના એડિટર રોહિણી સિંગ સહિત તમામ કોર્ટમાં હાજર રહ્યા : હવે પછીની સુનવણી ૧૭ માર્ચે access_time 3:33 pm IST

  • પદ્માવત ફિલ્મ ગુજરાતમાં રિલીઝ ન થતા લોકોમાં નારાજગી જોવા મળી રહી છે ત્યારે પોતાના મતવિસ્તારની મુલાકાતે આવેલા ભાજપ સાંસદ પરેશ રાવલે જણાવ્યુ હતું કે કોઇપણ ફિલ્મ પર પ્રતિબંધ ન મૂકાવો જોઇએ. કોઇ સમાજની લાગણી દુભાઇ હોય તો તે સમાજના અગ્રણીઓ અને ફિલ્મ નિર્માતાએ સાથે બેસીને ચર્ચા કરવી જોઇએ અને શાંતિથી કોઇપણ વિવાદનું નિરાકરણ કાઢવું જોઈએ. access_time 2:37 pm IST