Gujarati News

Gujarati News

News of Wednesday, 2nd December 2020

જિલ્લા ગાર્ડન પાસે આરીફ સુરૈયાના કવાર્ટરમાં પત્તા ટીંચતા ચાર ઝડપાયા

કવાર્ટર માલિક આરીફ, આસીફ ચામડીયા, સલીમ રામોદીયા અને હર્ષદ રાઠોડની ધરપકડ

રાજકોટ તા. ૧ : બાપુનગર મેઇન રોડ પર જિલ્લા ગાર્ડન સ્લીમ કવાર્ટરમાં જુગારધામ ચાલતુ હોવાની બાતમીના આધારે ભકિતનગર પોલીસે દરોડો પાડી જુગાર રમતા ચાર શખ્સોને પકડી લીધા હતા.

મળતી વિગત મુજબ બાપુનગર મેઇન રોડ પર જિલ્લા ગાર્ડન પાસે આવેલા સ્લમ કવાર્ટરમાં કેટલાક શખ્સો જુગાર રમતા હોવાની ભકિતનગર પોલીસ મથકના કોન્સ. ભાવેશભાઇ મકવાણા અને દિવ્યરાજસિંહ ઝાલાને બાતમી મળતા પીઆઇ જે.ડી.ઝાલાના માર્ગદર્શન હેઠળ પીએસઆઇ જે.બી.પટેલ અને એએસઆઇ ફિરોઝભાઇ શેખ, હેડ કોન્સ. મનરૂપગીરી ગૌસ્વામી, સલીમભાઇ મકરાણી, ભાવેશભાઇ મકવાણા, દિવ્યરાજસિંહ, મનીષભાઇ શીરોડીયા, રણજીતસિંહ, હિતેન્દ્રસિંહ તથા રાજેશભાઇ સહિતે સ્લમ કવાર્ટર નં. ૧૨૦માં દરોડો પાડી કવાર્ટર માલીક આરીફ હારૂનભાઇ સુરૈયા (ઉ.વ.૪૮) તથા ઘાંચીવાડ શેરી નં. ૫ના આશીફ નુરમામદભાઇ ચામડીયા (ઉ.વ.૫૩), સલીમ ઇકબાલભાઇ રામોદીયા (ઉ.વ.૪૩) તથા ગાયત્રીનગર શેરી નં. ૫ના હર્ષદ અમૃતલાલભાઇ રાઠોડ (ઉ.વ.૪૮)ને પકડી લઇ રૂ. ૧૧૨૭૦ની રોકડ સહિતની મત્તા કબ્જે કરી હતી. પોલીસે ચારેય શખ્સો સામે જાહેરનામા ભંગની પણ કાર્યવાહી કરી હતી.

(2:42 pm IST)
  • બોલીવુડ અભિનેતા અને ગુરદાસપુરના ભાજપના સાંસદ સની દેઓલનો હિમાચલ પ્રદેશના કુલ્લુ જિલ્લામાં કોરોના પોઝિટિવ રિપોર્ટ આવ્યો છે : રાજ્ય આરોગ્ય સચિવ : સની દેઓલ છેલ્લા મહિનાથી હિમાચલ પ્રદેશમાં હતો access_time 12:04 am IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં ઘટાડો : રાત્રે 10-30 વાગ્યા સુધીમાં કોરોનાના નવા 32,407 કેસ નોંધાયા:કુલ કેસની સંખ્યા 94,95,661 થઇ :એક્ટીવ કેસ 4,28,390 થયા : વધુ 38,355 દર્દીઓ સ્વસ્થ થતા કુલ 89,26,950 રિકવર થયા :વધુ 431 લોકોના મોત સાથે કુલ મૃત્યુઆંક 1,38,090 થયો access_time 12:15 am IST

  • ઉત્તર ભારત માં એક રોડ અકસ્માતમાં ભારતીય લશ્કરના ચાર જવાનોના મૃત્યુ થયાનું જાણવા મળે છે access_time 12:05 am IST