Gujarati News

રાજકોટ તા. રઃ શહેરનાં એરપોર્ટ રોડ ઉપર આવેલ સદ્દગુરૂ વિહાર એપાર્ટમેન્ટની છત ઉપર નાંખવામાં આવેલ મોબાઇલ ટાવર ગમે ત્યારે પડી જાય તેટલી હદે જોખમી બની જતાં આ એપાર્ટમેન્ટનાં રહેવાસીઓનાં જીવ પડીકે બંધાયા છે અને તમામ રહેવાસીઓએ આ ટાવરને ખસેડવાં મ્યુ. કમિશ્નરને રજુઆત કરી છે.

આ અંગે મ્યુ. કમિશ્નરને કરેલી રજુઆતમાં રહેવાસીઓએ જણાવ્યું છે કે ''આ એપાર્ટમેન્ટની છત ઉપર અંદાજે ૪૦૦૦ કિલો વજનનો મોબાઇલ ટાવર ભારે પવન, ભૂકંપનાં નાના-મોટા આંચકાને કારણે પડુ પડુ થઇ ગયો છે.'' પરિણામે આ ટાવર ગમે ત્યારે પડી જાય અને જાનહાની થવાનો ભય સતત રહે છે માટે દિવસ-૭ ની અંદર આ મોબાઇલ ટાવર નાંખનાર કંપની સામે પગલા લેવડાવી ટાવરને સુરક્ષીત રીતે ખસેડવા રહેવાસીઓએ માંગ ઉઠાવી છે.