Gujarati News

રાજકોટ તા. ૨: શહેરની બેંકોમાં અવાર-નવાર ભરણામાં જાલીનોટો ઘુસાડી દેવામાં આવે. છે. એચડીએફસી બેંકની શાખામાં ૧૦, ૨૦, ૫૦, ૧૦૦, ૫૦૦ અને ૨૦૦૦ના દરની કુલ ૧૧૨ જાલીનોટો મળતાં ગુનો દાખલ કરાવવામાં આવ્યો છે.

આ બારામાં રામકૃષ્ણનગર-૧૪ રોયલ પેલેસ શેરીમાં રહેતાં બેંકના અધિકારી હિતેષભાઇ ચંદ્રશંકરભાઇ જોષી (ઉ.૪૭)ની ફરિયાદ પરથી ભકિતનગર પોલીસે આઇપીસી ૪૮૯ (ખ) મુજબ ગુનો નોંધ્યો છે. હિતેષભાઇએ જણાવ્યા મુજબ રાજકોટ શહેરની એચડીએફસી બેંકની જુદી-જુદી શાખાના ભરણામાં ગત મે મહિના દરમિયાન અજાણ્યા ગ્રાહકો જે ચલણી નોટો ભરપાઇ કરી ગયા છે તેમાં રૂ. ૨૦૦૦ના દરની ૬ નોટો, રૂ. ૫૦૦ની ૧, રૂ. ૧૦૦ની ૮૩, રૂ. ૫૦ની ૧૮, રૂ. ૨૦ની ૩ અને રૂ. ૧૦ની ૧ નકલી નોટનો સમાવેશ થાય છે. 

આ બારામાં વિશેષ તપાસ એસઓજીને સોંપવામાં આવી છે.