Gujarati News

તસ્વીરમાં અકસ્માતગ્રસ્ત બસ અને બીજી તસ્વીરમાં મંદિરના બુકડો બોલી ગયો તે નજરે પડે છે. (તસ્વીર : કમલેશ વાસાણી શાપર-વેરાવળ)

શાપર-વેરાવળ તા. ૧ :.. શાપર-વેરાવળમાં હાઇવે પર આજે સવારે ખાનગી બસનું ટાયર ફાટતા અકસ્માત સર્જાયો હતો. આ અકસ્માતમાં બસમાં બેઠેલા તમામ મુસાફરોનો ચમત્કારી બચાવ થયો હતો. જો કે, બસ હડફેટે રોડ પરના મંદિરનો બુકડો બોલી ગયો હતો.

પ્રાપ્ય વિગતો મુજબ શાપર-વેરાવળ હાઇવે પર આજે સવારે અમદાવાદ થી જૂનાગઢ જઇ રહેલી જી.જે.-૩-બી. વાય. પપ૦૦ નંબરની ખાનગી બસનું ટાયર ફાટતા બસ સર્વિસ રોડના મેલડી મા ના મંદિરને હડફેટે લઇ સર્વિસ રોડના ડીવાઇડર પર ચડી ગઇ હતી.

આ અકસ્માતમાં બસ હડફેટે મંદિરનો બુકડો બોલી ગયો હતો. સદભાગ્યે બસમાં બેઠેલા કોઇ મુસાફરોને ઇજા થઇ ન હતી. (પ-ર૦)