Gujarati News

Gujarati News

News of Saturday, 1st August 2020

યુવતિને ફસાવી બળાત્કાર, ૧૯ લાખની છેતરપીંડીમાં ઇમરાન ડેલાની ધરપકડ

નોકરીની લાલચ આપી ખાનગી હોસ્પિટલની રિસેપ્સનીસ્ટ : તાલુકા પોલીસે કોવિડ રિપોર્ટ કરાવ્યા બાદ ધરપક કરી

રાજકોટ તા.૧: શહેરની ખાનગી હોસ્પિટલમાં અગાઉ રિસેપ્સનિસ્ટ તરીકે નોકરી કરતી યુવતિને ફોન કરી સારી નોકરી અપાવી દેવાની લાલચ દઇ બિગ બાઝાર પાસે રૂબરૂ બોલાવી ઓળખાણ કેળવ્યા બાદ જાળમાં ફસાવી અલગ-અલગ હોટેલોમાં બળાત્કાર ગુજાર્યો હતો. તેમજ લગ્નની લાલચ આપી વિશ્વાસ કેળવી તેણી પાસેથી રૂ. ૧૯ લાખથી વધુની રકમ મેળવી લઇ પાછી ન આપી છેતરપીંડી કરી હતી. તેમજ બાદમાં આ યુવતિને તરછોડી દઇ અન્ય યુવતિ સાથે શાદી કરી લીધી હતી. આ અંગેના ગુનામાં તાલુકા પોલીસે આરોપી ખોડિયારનગર ગોવર્ધન ચોક શેરી નં. ૧૫/૧૬માં રહેતાં ઇમરાન હનીફભાઇ ડેલા (ઉ.૨૪)ની કોવિડ રિપોર્ટ બાદ વિધીસર ધરપકડ કરી આકરી પુછતાછ કરી છે.આ મામલે તાલુકા પોલીસે આઇપીસી ૩૭૬, ૩૨૩, ૪૦૬, ૪૨૦, ૫૦૪, ૫૦૬  (૨) મુજબ ગુનો નોંધ્યો હતો. પોલીસ કમિશનર મનોજ અગ્રવાલ, જેસીપી ખુરશીદ અહેમદ, ડીસીપી મનોહરસિંહ જાડેજા, એસીપી જે. એસ. ગેડમની રાહબરીમાં તાલુકા પીઆઇ જે. વી. ધોળા, પીએસઆઇ એન. ડી. ડામોર, એન. કે. રાજપુરોહિત, એએસઆઇ હર્ષદસિંહ ચુડાસમા, હેડકોન્સ. વિજયગીરી ગોસ્વામી, પ્રદિપસિંહ રાણા, કોન્સ. ભગીરથસિંહ ઝાલા, અરજણભાઇ ઓડેદરા, મનિષભાઇ સોંઢીયા, હર્ષરાજસિંહ જાડેજા, ધર્મરાજસિંહ રાણા, જયંતિ રાઠોડ અને રૂપેશ પટેલ સહિતે આરોપી ઇમરાનને ઝડપી લઇ વિશેષ તપાસ હાથ ધરી છે.

(2:51 pm IST)
  • મુખ્યમંત્રી વિજયભાઈ રૂપાણીનો રવિવારે 64મો જન્મ દિવસ પ્રજાલક્ષી કાર્યોને કરશે સમર્પિત:સુરતમાં કોવિડ ડેડિકેટેડ હોસ્પિટલની લેશે મુલાકાત.:રાજકોટમાં રૂ.100 કરોડની લોન સહાયના ચેકનું સામાન્ય કારીગર-લોકોને ગાંધીનગરથી વર્ચ્યુઅલ ચેક વિતરણ કરાશે. access_time 10:25 pm IST

  • " બકરી ઈદ " : વડાપ્રધાન શ્રી મોદીએ બાંગ્લાદેશના પ્રાઈમ મિનિસ્ટર શેખ હસીનાને ' બકરી ઈદ ' ની શુભેચ્છા પાઠવી : કોવિદ -19 મહામારી અટકાવવા લીધેલા પગલાંની પ્રસંશા કરી : દરેક સંજોગોમાં ભારત મદદરૂપ થશે તેવી ખાતરી આપી access_time 1:48 pm IST

  • ભુજની રાવલવાડીમાં કોરોનાથી એક મહિલાનું મોત :આખી શેરી કવોરોન્ટાઇન હેઠળ:લોકલ સંક્રમિતની વિગતો તંત્ર આપે:આજુબાજુમાં ભયનો માહોલ:મહિલા ઓટલા પરિષદમાં રોજ હાજરી પુરાવતા જ્યાં અનેક વૃદ્ધ મહિલાઓ પણ બેસતા:અન્ય કેટલા લોકો સંપર્કમાં આવ્યા તપાસ સાથે તકેદારીનો વિષય access_time 9:45 pm IST