Gujarati News

Gujarati News

News of Saturday, 1st August 2020

ગાંધીગ્રામ અને ભારતીનગરમાં મહિલા સંચાલીત જુગારધામ પર દરોડો : ૧૪ મહિલા ઝડપાઇ

ગાંધીગ્રામ પોલીસે મહિલાઓ સામે જાહેરનામા ભંગની પણ કાર્યવાહી કરી

રાજકોટ, તા. ૧ :  ગાંધીગ્રામ અને ભારતીનગરમાં મહિલા સંચાલીત જુગારધામ પર ગાંધીગ્રાામ પોલીસે દરોડો પાડી જુગાર રમતી ૧૪ મહિલાને ઝડપી લઇ કાર્યવાહી કરવામાં આવી હતી.

મળતી વિગત મુજબ શહેર પોલીસ કમિશનર મનોજ અગ્રવાલ, જોઇન્ટ પોલીસ કમીશનર ખુરશીદ અહેમદ તથા ડીસીપી પ્રવિણકુમાર મીણા અને મનોહરસિંહ જાડેજાની સુચનાથી ગાંધીગ્રામ પોલીસ મથકના પીઆઇ કે.એ. વાળાના માર્ગદર્શન હેઠળ હેડ કોન્સ. કે.વી. જાડેજા સહિત પેટ્રોલંગમાં હતા ત્યારે બાતમીના આધારે ગાંધીગ્રામ શેરી નં. ૧રમાં આવેલા એક મકાનમાં દરોડો પાડી જુગાર રમતા મકાન માલીક લક્ષ્મીબેન કાળુભાઇ ચૌહાણ (ઉ.વ.પ૧), પ્રજ્ઞાબેન કમલેશભાઇ મકવાણા (ઉ.વ.૩પ), શેરી નં. ૧રના રંજનબેન નરેન્દ્રભાઇ પરમાર (ઉ.વ.૪પ), શેરી નં. ૬ના મીરાબેન મયુરભાઇ બુંદેલા (ઉ.વ.પ૦), શેરી નં. ૧રના રચના ધવલભાઇ બુંદેલા (ઉ.વ.ર૩), દેીપુબેન સાવનભાઇ બુંદેલા (ઉ.વ.ર૮), કલ્પનાબેન અશોકભાઇ બુંદેલા (ઉ.વ.પ૦) અને કાજલ બેન કમલેશભાઇ ચૌહાણ (ઉ.વ.૩૮) ને પકડી લઇ રૂ. ર૯૮૦ સહિતની મતા કબ્જે કરી હતી અને આઠેય મહિલા વિરૂધ્ધ જાહેરનામા ભંગની પણ કાર્યવાહી કરી હતી.

જયારે બીજા દરોડામાં હેડ કોન્સ.ખોડુભા જાડેજા તથા કિશોરભાઇ સહિતે ભારતીનગર શેરી નં.૪માં મહિલાના મકાનમાં દરોડો પાડી જુગાર રમતા મકાન માલીક જયશ્રીબેન કિશોરભાઇ પીપરીયા (ઉ.પ.૪૮) તથા જીજ્ઞાશા બેન જયેન્દ્રસિંહ ચાવડા (ઉ.વ.૩ર), હેતલબેન ભરતભાઇ જોગીયાણી (ઉ.વ.૩ર), જયશ્રીબેન વિપુલભાઇ નકુમ (ઉ.વ.૩ર), મીતા જયેન્દ્રસિંહ પરમાર (ઉ.વ.૪પ) અને માનવરાજ જયેન્દ્રસિંહ પરમાર, (ઉ.વ.ર૦) ને પકડી લઇ રૂ. ૪૧૦૦ ની રોકડ સહિતની મતા કબ્જે કરી હતી અને છએ સામે જાહેરનામા ભંગની પણ કાર્યવાહી કરવામાં આવી હતી.

(2:51 pm IST)
  • ૧ થી ૧૪ ઓગષ્ટ વચ્ચે દેશમાં સારો વરસાદ જામશેઃ ૧૮ ઓગષ્ટ પછી નવો દૌરઃ ઓગષ્ટમાં વરસાદ ધરવી દેશે ? : ૮-૯ ઓગષ્ટ પછી વળી એક બીઓબી એલપીએની આગાહી ઇસીએમ ડબલ્યુએફએ કરી છે. જેને લીધે પશ્ચિમના સાગરકાંઠે, મધ્ય - ઉત્તર અને ઉત્તર પશ્ચિમ ભારતમાં ૧ થી ૧૪ ઓગષ્ટ વચ્ચે વરસાદની જમાવટ રંગ લાવશે અને ૧૮ ઓગષ્ટ પછી ફરીથી દેશના સંખ્યાબંધ ભાગોમાં વરસાદનું જોર વધી જશે તેમ ખાનગી વેધર એનાલીસ્ટે ટવીટર ઉપર કહ્યું છે. access_time 1:19 pm IST

  • રવિ-સોમવારે રાજ્યમાં સૌરાષ્ટ્ર અને દક્ષિણ ગુજરાતમાં ભારે વરસાદની આગાહી:આગામી 2 દિવસ પછી રાજ્યમાં વરસાદનું જોર વધશે:5 ઓગસ્ટની આસપાસ બંગાળની ખાડીમાં સિસ્ટમ સક્રિય થશે: જેનાથી 5,6,7 ઓગસ્ટે રાજ્યમાં સાર્વત્રિક ભારે વરસાદની આગાહી access_time 9:21 pm IST

  • કચ્છ રાપર વિસ્તારમાં ભૂકંપનો ઝટકો : 9:03 મિનિટ 2.9 ની તીવ્રતાનો ઝટકો નોંધાયો: કેન્દ્રબિંદુ 25 કી.મી સાઉથ સાઉથ ઇસ્ટ ધોળાવીરા: આજના દિવસનો આ ચોથો આંચકો: રાત્રીથી સવાર સુધી કચ્છમાં 1 તીવ્રતા ની આસપાસના 3 આંચકા નોંધાઈ ચુક્યા છે access_time 11:07 am IST