Gujarati News

Gujarati News

News of Saturday, 1st August 2020

અંતે મ.ન.પામાં નવા આરોગ્ય અધિકારીની નિમણુંક : વિસાવદરના ડો.વાંઝા આવતા સપ્તાહે ચાર્જ લેશે

ઇન્ચાર્જ આરોગ્ય અધિકારી ડો.રીંકલ વિરડીયા એકા એક રજા પર ઉતરી જતા ચાર માસ માટે ડો.વાંઝા ડેપ્યુટશન પર મૂકાયા

રાજકોટ,તા.૧:  મ્યુ. કોર્પોરેશનના અગાઉના આરોગ્ય અધિકારી ડો. રીંકલ વીરડીયા કોરોના મહામારી સમયે એકા એક રજા ઉપર ઉત્તરી જતા આરોગ્ય તંત્ર મુશ્કેલીમાં મુકાયેલ. આથી તાબળતોબ વિસાવદર તાલુકા  હેલ્થ ઓફીસર ડો. એલ.ટી. વાંઝાને ચાર માસ સુધી લોન સર્વીસ પર રાજય સરકારે મ્યુ.કોર્પોરેશનનાં આરોગ્ય અધિકારી તરીકે નિમણુંક કરી છે. ડો.વાંઝા આવતા સપ્તાહે એટલે કે સોમવારે-મંગળવારે ચાર્જ સંભાળે તેવી શકયતા દર્શાય રહી છે.

આ અંગેની પ્રાપ્ત માહિતી મુજબ રાજય સરકાર દ્વારા વિસાવદર હેલ્થ ઓફીસર તરીકે છેલ્લા ૧૦ વર્ષથી ફરજ બજાવતા અને મુળ કોડીનારના વતની એવા ડો. એલ.ટી. વાંઝાની રાજકોટ કોર્પોરેશનના આરોગ્ય અધિકારીની તરીકેની નિમણુંક કરવામાં આવી છે. તેઓ જુનાગઢ કોર્પોરેશનમાં ૪ વર્ષ સુધી આરોગ્ય અધિકારી તરીકે રહી ચુકયા છે. આમ તેઓ બહોળો અનુભવ ધરાવે છે અને રાજકોટમાં તેઓએ સોમવાર-મંગળવારનાં  ચાર્જ સંભાળી લ્યે તેવી શકયતા છે.

આ અંગે ડો.એલ.ટી.વાંઝાએ અકિલા સાથેની વાતચીતમાં જણાવ્યુ હતુ કે, રાજકોટની સેવાનો મોકો મળ્યો છે. શહેરમાં કોરોના કેસોમાં વધારો ન થાય અને ડેથ રેટ ઘટાડવાનાં પુરા પ્રયત્નો કરવામાં આવશે.

વધુમાં તેઓએ જણાવ્યુ હતુ કે, આવતા સપ્તાહે મ્યુ.કોર્પોરેશનમાં પોતાનો ચાર્જ સંભાળ્યા બાદ આરોગ્ય વિભાગનાં અધિકારીઓ, કર્મચારી સાથે મિટિંગ યોજશે. જેમાં કોરોનાની માહમારી નાથવાનું આયોજન કરવામાં આવશે.(૨૮.૨)

(3:40 pm IST)
  • અંત સમયમાં ભગવાન જ યાદ આવે છે : મધ્યપ્રદેશના પૂર્વ મુખ્યમંત્રી કમલનાથે રામમંદિરના નિર્માણને આવકારતો વિડિઓ વાઇરલ કરતા ભાજપ આગેવાન કૈલાસ વિજય વર્ગીયનો કટાક્ષ : અત્યાર સુધી કોંગ્રેસ આગેવાનો રામના પાત્રને કાલ્પનિક ગણાવતા હતાં : હવે સદબુદ્ધિ આવી તે બાબત આવકારદાયક access_time 7:59 pm IST

  • રાજકોટની નાથાલાલ પારેખ કેન્સર હોસ્પિટલ ૧૬ ઓગષ્ટ સુધી બંધઃ સ્ટાફ નર્સમાં ગઇકાલથી કોરોના સંક્રમણ થતા સાવચેતી માટે હોસ્પિટલ બંધ કરાવ્યુ હોવાની સત્તાવાર જાહેરાતઃ હોસ્પિટલ સંકુલ સેનેટાઇઝ કરવા સહિતના સુરક્ષાના પગલા access_time 3:26 pm IST

  • એમેઝોને કોરોના સામે જીત મેળવીઃ ૩૪૫ મીલીયન ડોલરનો જંગી નફો કર્યો : (૨૭૬૦ કરોડ રૂ.નો નફો) access_time 12:54 pm IST