Gujarati News

Gujarati News

News of Saturday, 1st August 2020

ભગવાન કૃષ્ણ-ગણપતિની ર ફૂટથી ઉંચી મૂર્તિ વેચી નહિં શકાયઃ શેરી-જાહેર સ્થળો ઉપર સ્થાપન-વિસર્જન ઉપર પ્રતિબંધ

કલેકટર દ્વારા આજથી અમલમાં આવે તે રીતે તાકિદનું જાહેરનામું: કોઇપણ સરઘસ પણ નહિ કાઢી શકાય... : જન્માષ્ટમી-બકરી ઇદ-પર્યુષણ પર્વ-ગણેશ મહોત્સવ અંગે ર સપ્ટેમ્બર સુધી પ્રતિબંધાત્મક આદેશો : કોઇપણ પશુની જાહેર કે ખાનગીમાં કતલ નહિં કરી શકાયઃ જાહેરમાં માંસ-હાડકા-અવશેષો ફેંકી નહિં શકાયઃ રાજકોટ જીલ્લા (શહેર નહિં) માટે જાહેરનામું પ્રસિધ્ધ

રાજકોટ તા. ૩૧: જીલ્લા કલેકટરશ્રી રેમ્યા મોહને આગામી તહેવારો ગણેશ ઉત્સવ-જન્માષ્ટમી-બકરી ઇદ-જૈનોના પર્યુષણ પર્વસંદર્ભે આજે બપોરે રાા વાગ્યે એક મહત્વનું જાહેરનામું બહાર પાડી અનેક પ્રતિબંધો જાહેર કર્યા છે.

ભગવાન કૃષ્ણ અને ગણપતિની માટીની મૂર્તિ બે ફૂટથી વધુ ઉંચાઇ નહિં બનાવી શકાય, તેમજ વેચાણ-સ્થાપના-જાહેરમાર્ગ ઉપર પરીવહન-નદી તળાવ સહિતના જળસ્ત્રોતમાં વિસર્જન નહિં કરી શકાય.આ ઉપરાંત જે મૂર્તિ વેચાઇ ન હોય તે બીનવારસી મુકવા ઉપર પ્રતિબંધ મૂકાયો છે, કોઇપણ ધર્મની લાગણી દુભાય એવા ચીન્હો-નિશાનીવાળી મૂર્તિ નહિ બનાવવા આદેશો કરાયા છે.

આ ઉપરાંત કોઇપણ વ્યકિતએ કોઇપણ પશુની જાહેર કે ખાનગીમાં કયાંય કત્લ કરવી નહિં, અને પ્રાણીને શણગારીને એકલા કે સરઘસ આકારે ફેરવવા નહિં.

બકરી ઇદ તહેવાર નિમીતે કુરબાની પછી જાહેરમાં માંસ હાડકા-અવશેષો જાહેરમાં ફેંકવા નહિં.

કોવીડ-૧૯ સંદર્ભે તમામ માટે ફરજીયાત માસ્ક-સોશ્યલ ડીસ્ટન્સ ફરજીયાત તથા જાહેરમાં થૂંકવા ઉપર પ્રતિબંધ તેમજ કોઇપણ સામાજિક કે ધાર્મિક કાર્યક્રમ-મેળાઓ યોજી નહિં શકાય.

ભગવાન શ્રી કૃષ્ણ-ગણેશોત્સવ-પર્યુષણ પર્વ-સંવત્સરી અનુસંધાને જાહેરમાં મંડપ-પંડાલ કે સોસાયટીના કોમન પ્લોટ-રસ્તા-શેરી-વિસ્તારમાં મૂર્તિની સ્થાપના નહિં થઇ શકે. લોકો એકઠા નહિં થઇ શકે, સ્થાપન અને વિસર્જન સમયે શોભાયાત્રા કાઢી નહિં શકાય, ઘરે જ મૂર્તિનું વિસર્જન કરવાનું રહેશે.

આ જાહેરનામાનો અમલ આજથી તા. ર સપ્ટેમ્બર સુધી રહેશે.

કોવીડ-૧૯ કોરોના વાયરસ ફેલાયેલ હોય તે સંદર્ભે કલેકટર દ્વારા કેન્દ્ર-રાજય સરકારની ગાઇડ લાઇન મુજબ આજે બપોરે આ જાહેરનામું જાહેર કર્યું છે.

(3:28 pm IST)
  • ઘરે રહો... સ્વસ્થ રહો.... : ખાનગી હોસ્પિટલોમાં કોરોના દર્દીઓની સ્થિતિનું આબાદ ચિત્રાંકન કરતું એક અદ્ભૂત કાર્ટૂન સોશ્યલ મિડીયામાં ધુમ મચાવી રહયું છે. access_time 12:55 pm IST

  • બિહારમાં પોલીસ ઉપર પથ્થરમારો : લોકડાઉન હોવા છતાં બકરી ઈદ નિમિત્તે ભાગલપુરમાં આવેલી મસ્જીદે નમાઝ પઢવા સમૂહ ભેગો થયો : ભેગા થયેલા લોકોને પાછા કાઢવાની કોશિષ કરતા પથ્થરમારો કરાયો access_time 12:54 pm IST

  • દેશમાં કોરોનાનો કહેર : છેલ્લા 24 કલાકમાં 54,865 કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 17,51,919 કેસ થયા :5,67,205 એક્ટિવ કેસ :કુલ 11,46,879 દર્દીઓ રિકવર થયા :વધુ 852 લોકોના મોત :મૃત્યુઆંક 37,403 થયો :મહારાષ્ટ્રમાં નવા 9601 કેસ : તામિલનાડુમાં 5879 કેસ : આંધ્રપ્રદેશમાં નવા 9276 કેસ: દિલ્હીમાં 1118 કેસ : કર્ણાટકમાં નવા 5172 કેસ :ઉત્તર પ્રદેશમાં 3587 કેસ અને પશ્ચિમ બંગાળમાં વધુ 2589 કેસ :બિહારમાં 3521 નવા કેસ, તેલંગાણામાં 2083 કેસ,રાજસ્થાનમાં 1160 કેસ અને આસામમાં 1457 નવા કેસ અને ઓરિસ્સામાં 1602 કેસ નોંધાયા access_time 12:42 am IST