Gujarati News

Gujarati News

News of Friday, 1st June 2018

જયરાજ પ્લોટમાં વંદનાબેન મુઘવાનો ગળાફાંસો ખાઇ આપઘાત

રાજકોટ તા.૧: પેલેસ રોડ પર જયરાજ પ્લોટમાં રહેતી ભરવાડ પરિણીતાએ ગળાફાંસો ખાઇ આપઘાત કરી લેતા અરેરાટી વ્યાપી ગઇ છે.

મળતી વિગત મુજબ પેલેસ રોડ પર જયરાજ પ્લોટ શેરીનં. ૮/૧૧ના ખુણે રહેતા વંદના બેન હિતેશભાઇ મુંઘવા (ઉ.વ.૩૨)એ ગઇકાલે પોતાના ઘરે પોતાના રૂમમાં છતના હુકમાં દુપટ્ટો બાંધી ગળાફાંસો ખાઇ લીધો હતો. બીજા રૂમમાં સુતેલા તેના સાસુ, સસરાને ખબર પડતા ૧૦૮ને જાણ કરતા ૧૦૮ના ઇએમટી જયદિપભાઇ સબાડે જોઇ તપાસી તેનું મોત નિપજયું હોવાનું જાહેર કર્યુ હતું. બાદ જાણ કરતા એ ડિવીઝન પોલીસ મથકના પીએસઆઇ બી.બી. કોડીયાતર તથા રાઇટર ધર્મેન્દ્રસિંહે સ્થળ પર પહોંચી તપાસ આદરી હતી. મૃતક વંદનાબેન ના ત્રણ વર્ષ પહેલા લગ્ન થયા હતા. તેને સંતાનમાં પોણા બે વર્ષની પુત્રી છે. અને પતિ હિતેશ દૂધનો ધંધો કરે છે. તેમણે કયા કારણોસર આ પગલું ભર્યુ તે અંગેનું કારણ જાણવા પોલીસે વધુ તપાસ હાથ ધરી છે.

(5:01 pm IST)
  • આ છાયો પણ મીઠો લાગે!!! : સમગ્ર દેશમાં કાળઝાળ ગરમી પડી રહી છે ત્યારે રાજસ્થાન સૌથી વધુ ગરમ રહયું છે. એવામાં અજમેર પાસે ઓવરલોડ ટ્રક નીચે પણ કોઇજાતની ચિંતા કે પરવા વગર સુતા લોકોમાં સુરજના આકરા મીજાજનું રૂપ દેખાઇ રહયું છે. access_time 4:31 pm IST

  • જાપાને વૈજ્ઞાનિક સંશોધનના બહાને મિંક પ્રજાતિની 122 વ્હેલનો શિકાર કર્યો: જાપાનની સરકારના આંતરરાષ્ટ્રીય રિપોર્ટ મુજબ પ્રતિબંધ હોવા છતા ઉનાળામાં 333 વ્હેલ માછલીઓને મારી નાંખી: આતંરરાષ્ટ્રીય વ્હેલિંગ આયોગ મુજબ રિસર્ચના નામે વ્હેલને તેમના મીટ માટે મારવામાં આવે છે. જાપાને 1985માં આઈડબ્લ્યુ સાથે કરાર કર્યો હતો કે વ્હેલને નહી મારે access_time 1:27 am IST

  • મેઘાલયમાં વિજય બાદ કોંગ્રેસ સૌથી મોટી પાર્ટી :મેઘાલયની અપાતી વિધાનસભા સીટ પર કોંગ્રેસની જીતથી સૌથી મોટી પાર્ટી બનવા છત્તા વિપક્ષમાં બેસશે:60 સભ્યોની વિધાનસભામાં કોંગ્રેસના હવે 21 ધારાસભ્યો થયા: સતાધારી એનપીપીથી એક સીટ વધુ છે :એનપીપીનાં નેતૃત્વવાળી સરકારમાં ભાજપના 2,યુડીપીના 6,પીડીએફના 4,એચએસપીડીપી2,એનસીપી 1,અને 2 અન્ય મળીને સરકાર બની છે access_time 1:17 am IST