Gujarati News

Gujarati News

News of Friday, 1st June 2018

આહિર યુવાનની હત્‍યામાં ગોવિંદ કાલ સુધી અને બીજા પાંચ અઢી દિ'ના રીમાન્‍ડ પર

રાજકોટ તા. ૧ :.. સોમનાથ સોસાયટી-૩ શેરી નં. ૧/૯ ના ખૂણે રહેતા હાર્દિક વિભાભાઇ મકવાણા (ઉ.રપ) નામના આહીર યુવાનની હત્‍યામાં યુનિવર્સિટી પોલીસે શખ્‍સોની ધરપકડ કરી ગોવિંદ ઘુઘા ગાણોલીયા (ઉ.ર૭) ના એક દિવસના અને અન્‍ય પાંચ શખ્‍સોના અઢી દિવસના રીમાન્‍ડ મેળવ્‍યા છે. મળતી વિગત મુજબ સોમનાથ સોસાયટી-૩ શેરી નં. ૧/૯ ના ખૂણે રહેતા હાર્દિક વિભાભાઇ મકવાણા (ઉ.રપ) નામના આહીર યુવાનને મંગળવારે રાત્રીના ઘરેથી વોકીંગ કરવા નિકળ્‍યો ત્‍યારે ઘર નજીક માધવ રેસીડેન્‍સી પાસે ગોવિંદ ભરવાડ સહિતના શખ્‍સોએ છરીના ઘા ઝીંકી હત્‍યા કરી હતી. ભાગી ગયેલા આરોપીઓ પૈકી ગોવીંદ ઘુઘા ગાણોલીયા (ઉ.ર૭) (રહે. સોમનાથ સોસાયટી-૩, શેરી નં. પ) ને અમદાવાદ તરફથી પકડી લીધો હતો. અને તેને કોર્ટમાં રજૂ કરાતા તેના આવતીકાલ સુધી રીમાન્‍ડ મેળવ્‍યા હતાં. બાદ આ ગુનામાં સામેલ ઘુઘા વિભા ગાણોલીયા (ઉ.પપ), લાલજી ઉર્ફે ટીટીયો ઘુઘા ગાણોલીયા (ઉ.ર૪), સેલા વિભા ગાણોલીયા (ઉ.૪૮), રાહુલ સેલાભાઇ ગાણોલીયા (ઉ.ર૦) અને અર્જુન સેલાભાઇ ગાણોલીયા (ઉ.૧૯) ની ધરપકડ કરી હતી. અને પોલીસે પાંચેયને કોર્ટમાં રજૂ કરતા પાંચેયના અઢી દિવસના રીમાન્‍ડ મેળવ્‍યા છે.

 

(4:52 pm IST)
  • જમ્મુ-કાશ્મીરમાં ફિદાયીન હુમલાની આશંકા :હાઇએલર્ટ જાહેર :ગુપ્તચરની સૂચનામાં આત્મઘાતી હુમલાની ભીતિ બાદ સુરક્ષા એજન્સીઓ એલર્ટ:આતંકીઓ કાશ્મીરમાં ઘૂસવાની ફિરાકમાં :શ્રીનગર અને જમ્મુમાં નાકાબંધી વાહનોની તપાસ અને હોટલ ધર્મશાળામાં ચેકીંગ શરુ :શહેરમાં પ્રવેશતા તમામ રસ્તાઓમાં સતકર્તા વધારાઈ ;સંવેદનશીલ વિસ્તારોમાં ચુસ્ત બંદોબસ્ત ગોઠવાયો access_time 1:06 am IST

  • જાપાને વૈજ્ઞાનિક સંશોધનના બહાને મિંક પ્રજાતિની 122 વ્હેલનો શિકાર કર્યો: જાપાનની સરકારના આંતરરાષ્ટ્રીય રિપોર્ટ મુજબ પ્રતિબંધ હોવા છતા ઉનાળામાં 333 વ્હેલ માછલીઓને મારી નાંખી: આતંરરાષ્ટ્રીય વ્હેલિંગ આયોગ મુજબ રિસર્ચના નામે વ્હેલને તેમના મીટ માટે મારવામાં આવે છે. જાપાને 1985માં આઈડબ્લ્યુ સાથે કરાર કર્યો હતો કે વ્હેલને નહી મારે access_time 1:27 am IST

  • આંધ્રપ્રદેશ સરકાર 35 વર્ષ સુધીના ગ્રેજ્યુએટ બેરોજગારોને આપશે દરમહિને 1000નું ભથ્થું :રાજ્યના માહિતી મંત્રીએ કહ્યું કે યોજનાનો અંદાજે 10 લાખ બેરોજગારોને લાભ મળશે :આ યોજના માટે રાજ્ય સરકારે 1200 કરોડની ફાળવણી કરીછે access_time 1:10 am IST