Gujarati News

Gujarati News

News of Friday, 1st June 2018

વાઈલ્‍ડ લાઈફ ફોટોગ્રાફી-પ્રવાસન-સ્‍વાદિષ્‍ટ ભોજનના શોખીન અનુપમસિંહ ગેહલોતની ધર્મ પ્રત્‍યેની આસ્‍થા પણ જબરદસ્‍ત

અકિલાના મોભી કિરીટભાઈ ગણાત્રા, અજીતકાકા, નિમિષભાઈ ગણાત્રા તથા પરિવાર સાથે અનેકવિધ સંસ્‍મરણો વાગોળી એક અનેરા વ્‍યકિતત્‍વની પણ આપી ઓળખ : અકિલા કાર્યાલયના અતિથિ બની શુભેચ્‍છા મુલાકાતે આવેલ પોલીસ કમિશ્નરશ્રીએ અકિલા પરિવાર સાથે મનભરીને કરી અંતરની વાતો

રાજકોટઃ અકિલા પરિવાર સાથે આત્‍મીય નાતો ધરાવતા શહેરના લોકપ્રિય પોલીસ કમિશ્નર શ્રી અનુપમસિંહ ગેહલોત ગઈ સાંજે અકિલા કાર્યાલયની શુભેચ્‍છા મુલાકાતે આવ્‍યા હતા. શ્રી ગેહલોતે અકિલા પરિવારના મોભી આદરણીય કિરીટભાઈ ગણાત્રા, સરળ વ્‍યકિતત્‍વના માલિક તંત્રી શ્રી અજીત કાકા તથા અકિલા પરિવારના યુવા ધરોહર-એકઝીકયુટીવ એડિટર નિમિષભાઈ ગણાત્રા તથા પરિવાર સાથે પારીવારીક વાતાવરણમાં વિસ્‍તૃત મુલાકાત કરી હતી. આ મુલાકાત ટાણે ધાર્મિકવૃતિ ધરાવતા અને વાઈલ્‍ડ લાઈફ ફોટોગ્રાફી તથા સ્‍વાદિષ્‍ટ ભોજન અને પર્યટનના શોખીન પોલીસ કમિશ્નર શ્રી ગેહલોતે પોલીસ તંત્રમાં તેમની ફરજ દરમિયાનના યાદગાર અને હેરતભર્યા સંસ્‍મરણો વર્ણવીને તેમના મુખ્‍ય ત્રણ શોખ અંગે પેટભરીને વાતો કરી હતી. અકિલા કાર્યાલયની આ મુલાકાત ટાણે પોલીસ કમિશ્નરશ્રીનું એક અનોખુ અને અનેરૂ વ્‍યકિતત્‍વ જાણવા મળ્‍યુ હતું. ધર્મમય રીતે સક્રિય રહેવા છતા કાયદો અને વ્‍યવસ્‍થા અંગે સતત ચિંતિત રહીને ચુસ્‍ત ફરજ બજાવવાના આગ્રહી તથા ફુરસદના સમયમાં વાઈલ્‍ડ લાઈફની ફોટોગ્રાફી કરી ઉમદા તસ્‍વીરો ખેંચવાની એક પણ તક તેઓ  જવા દેતા નથી.  તસ્‍વીરમાં અકિલા પરિવારના અજીતકાકા તથા કિરીટભાઈ ગણાત્રા સાથે ચર્ચામાં મશગુલ પોલીસ કમિશ્નરશ્રી નજરે પડે છે. નીચેની તસ્‍વીરમાં અકિલાના વેબ એડીટર શ્રી નિમિષભાઈ ગણાત્રા, કિરીટકાકા સાથે અનુભવો વર્ણવી રહ્યા છે. બાજુમાં લાક્ષણીક અદામાં શ્રી ગેહલોત નજરે પડે છે. નીચેની તસ્‍વીરમાં અકિલા પરિવારના કુ. ધન્‍વીએ પોલીસ કમિશ્નર શ્રી ગેહલોતને આવકારી ફુલહારથી સ્‍વાગત કર્યુ તે નજરે પડે છે. બાજુમાં અકિલાનુ મુખ્‍ય આકર્ષણ છે તે રાજકોટ મેઈડનું સંપૂર્ણ સ્‍વદેશી આધુનિક મશીન અંગે નિમિષભાઈ પાસેથી વિગતો જાણી રહેલા અનુપમસિંહ ગેહલોત નજરે પડે છે. નીચેની તસ્‍વીરમાં પારીવારીક માહોલમાં લંબાણભરી શુભેચ્‍છા મુલાકાત બાદ વિદાય લેતી વેળાએ ભાવુકતા સાથે મુલાકાત પૂર્ણ થઈ રહી હતી તે નજરે પડે છે. અંતિમ તસ્‍વીરમાં શ્રી નિમિષભાઈ ગણાત્રા મુલાકાત બદલ પોલીસ કમિશ્નરશ્રીનો આભાર માની આવજો કહી પ્રવેશદ્વાર સુધી વળામણા કર્યા તે નજરે પડે છે (તસ્‍વીરઃ સંદિપ બગથરીયા)

(12:31 pm IST)
  • બે નંબરનો ધંધો કરવો હોય તો સોનાનો કરો કારણ એક તેમાં પકડાઈ જવા પર જમીન મળી શકે છે :રાજસ્થાનના વિલારાના ધારાસભ્ય અર્જૂનલાલ ગર્ગે દેવાસી સમાજના કાર્યક્રમમાં કહ્યું કે બન્ને ચીજની કિંમત સરખી છે પરંતુ ડ્રગની તુલનાએ સોનામાં વેપાર કરવો સુરક્ષિત છે access_time 1:33 am IST

  • અમેરિકાની ચેતવણી છતાં રશિયા પાસેથી હથિયારો ખરીદશે ભારત ;રક્ષા મંત્રલાય રશિયા પાસેથી 40,000 કરોડમાં મિસાઈલ ડિફેન્સ સિસ્ટમ એસ-400ની પાંચ યુનિટ ખરીદવાનો પ્રસ્તાવ સુરક્ષા મામલાની કેબિનેટ કમિટી સમક્ષ મુકશે access_time 1:18 am IST

  • વિશ્વમાં શાંતિ જાળવી રાખવા ભારતીય સૈનિકોએ સૌથી વધુ બલિદાન આપ્યું :યુનાઇટેડ નેશનના મહાસચિવ એન્ટોનિયા ગુટેરેસે 70માં સ્થાપના દિવસે કહ્યું કે શહીદી વહોરવામાં સૌથી વધુ જવાનો ભારતના છે.: છેલ્લાં 70 વર્ષમાં વિશ્વમાં થયેલા પીસકિપિંગ મિશનમાં ડ્યૂટી દરમિયાન સૌથી વધારે શાંતિદૂત ભારતના જ શહીદ થયા છે. 163 ભારતીયોએ માત્ર માનવતાને ખાતર બલિદાન આપ્યું access_time 1:26 am IST