Gujarati News

Gujarati News

News of Friday, 1st June 2018

લીલી સાજડીયાળીના રમેશભાઇએ રાજકોટ આવી આજીડેમના બગીચામાં ઝેર પી લીધું

કાકા વિરૂધ્ધ ફરિયાદ કરી હોઇ તેની હેરાનગતિથી કંટાળ્યાનો આક્ષેપ

રાજકોટ તા. ૧: તાલુકાના લીલી સાજડીયાળી ગામના રમેશભાઇ મનજીભાઇ મકવાણા (ઉ.૪૦) નામના ચમાર યુવાને  રિક્ષા મારફત રાજકોટ આવી આજીડેમ ચોકડી પાસેના બગીચામાં જઇ ઝેર પી લેતાં સારવાર માટે સિવિલ હોસ્પિટલમાં દાખલ કરાયેલ છે. પોતાના કાકા અને તેના દિકરાઓ દ્વારા થતી હેરાનગતિથી કંટાળી જઇ આ પગલુ ભર્યાનો આક્ષેપ તેણે કર્યો હતો.

રમેશભાઇ ત્રણ ભાઇ અને એક બહેનમાં વચેટ છે અને સંતાનમાં બે પુત્ર તથા એક પુત્રી છે. પોતે ડ્રાઇવીંગ કરી ગુજરાન ચલાવે છે. તેણે જણાવ્યું હતું કે એકાદ માસ પહેલા તેને કાકા બધાભાઇ સાથે માથાકુટ થતાં તેના વિરૂધ્ધ ફરિયાદ કરી હતી. આ મનદુઃખને કારણે કાકા સતત પોતાને હેરાન કરતાં હોઇ તેનાથી કંટાળી જતાં ઝેર પી લીધું છે. આજીડેમ પોલીસે તેનું નિવેદન નોંધવા તજવીજ કરી હતી.

(11:46 am IST)
  • યુપીઃ નાયબ મુખ્‍યમંત્રી દિનેશ શર્માનો બફાટ : સીતાજીનો જન્‍મ ટેસ્‍ટ ટયુબ બેબી થકી થયો હતો : મહાભારત-રામાયણ કાળમાં લાઇવ ટેલીકાસ્‍ટથી લઇને ટેસ્‍ટ ટયુબ બેબી ટેકનોલોજીનો ઉપયોગ થયો હતો access_time 4:57 pm IST

  • શિવસેનાની માન્યતા રદ કરવા ચૂંટણીપંચ સમક્ષ માંગ :સેન્ટર ફોર અકાઉન્ટબીલીટી એન્ડ સિસ્ટમીક ચેન્જ (સીએએસસી )સંસ્થાના સચિવ દ્વારા મુખ્ય ચૂંટણી કમિશનર ઓપી રાવતને આવેદન આપીને શિવસેનાની રાજકીય પાર્ટી તરીકે માન્યતા રદ કરવા માંગ કરાઈ :આવેદનમાં શિવસેનાના મુખપત્ર સામના ના સંપાદકીયનો ઉલ્લેખ છે જેમાં ચૂંટણી પંચ અને લોકતંત્રને સતાધારી પક્ષની રખૈલ ગણાવાઈ છે access_time 1:02 am IST

  • સુરત બિટકોઈન કૌભાંડ મામલો : જીજ્ઞેશ મોરડિયા, ઉમેશ ગોસ્વામી, મનોજ ક્યાડાને કોર્ટમાં રજૂ કરાયા : ત્રણેય આરોપીઓની ગઈકાલે થઇ હતી ધરપકડ : 155 કરોડના બિટકોઈન લૂંટમાં હતાં સામેલ : શૈલેષ ભટ્ટના કહેવાથી થઇ હતી અપહરણ-લૂંટ : જીજ્ઞેશ પાસેથી 25 કરોડના બિટકોઇન-9 કિલો સોનુ જપ્ત access_time 2:55 pm IST