Gujarati News

Gujarati News

News of Monday, 1st March 2021

વેકસીન માટે મ.ન.પા. તંત્રની અદ્ભૂત વ્યવસ્થા

સિનિયર સિટીઝનોને વેકસીન માટે પ્રોત્સાહિત કરતા આગેવાનો - સંતો

રાજકોટ : આજથી દેશભરમાં ૬૦ વર્ષથી વધુ ઉંમરના દરેક સિનીયર સિટીઝનોને કોરોનાની રક્ષણ આપતી વેકસીન મુકવાનો પ્રારંભ થયો છે. ત્યારે રાજકોટ મ.ન.પા. દ્વારા પણ ૩૮ જેટલા સ્થળોએ વેકસીન મુકવાનું અભિયાન શરૂ થયુ઼ છે. જેમાં નામાંકિત ડોકટરો, પૂર્વ કોર્પોરેટરો, હોદ્દેદારો, સાધુ-સંતો વગેરેએ આજે વેકસીન મુકાવીને સૌ સીનીયર સીટીઝનોને આ વેકસીન મુકાવવા પ્રોત્સાહિત કરી અને વેકસીન મુકાવવા અપીલ કરી હતી. તસ્વીરમાં બી.એ.પી.એસ. સંસ્થાના સંતો વેકસીન મુકાવી રહેલા દર્શાય છે. અન્ય તસ્વીરમાં પૂર્વ સાંસદ સ્વ. અભયભાઇ ભારદ્વાજના પત્ની અલ્કાબેન ભારદ્વાજ, પૂર્વ સ્ટેન્ડીંગ કમિટિ ચેરમેન બીપીન અઢીયા, પૂર્વ ડે.મેયર જશુમતીબેન વસાણી, પૂર્વ શાસક પક્ષ નેતા રાજુભાઇ બોરીચા સહિતના અગ્રણીઓ વેકસીન મુકાવી રહેલા નજરે પડે છે. આ તકે બીપીનભાઇ વડાપ્રધાન મોદી સાહેબના આદેશાનુસાર આત્મનિર્ભર ભારતના અભિગમના ભાગરૂપે વિશ્વ વ્યાપી કોરોના રોગ સામે લડવા દેશમાં જ બનાવાયેલ રસીના 'રસીકરણ' કરાવવા તેમજ ગુજરાત રાજ્યના યશસ્વી મુખ્યમંત્રી સંવેદનશીલ મુખ્યમંત્રી વિજયભાઇ રૂપાણીના 'આહ્વાન' મુજબ આજરોજ પી.ડી.યુ. પંડીત દિનદયાળ ઉપાધ્યાય મેડીકલ કોલેજમાં કરાયેલ વ્યવસ્થા મુજબ રસીકરણ બુથ ઉપર વેકસીન લીધી હતી ત્યારે રાજકોટ મ્યુ. કોર્પોરેશનના જાગૃત આરોગ્ય અધિકારી ડો. પંકજભાઇ રાઠોડ તમામ, રસીકરણ લેતા સીનીયર સીટીઝનો સેવામાં ખડેપગે રહેતા હતા. શ્રી અઢિયાએ જણાવેલ કે, કોરોનાકાળના કપરા સમયમાં દરેક સિનીયર સિટીઝને આ રસીકરણનો લાભ લેવો જોઇએ. તેઓએ સીવીલ હોસ્પિટલના સ્ટાફની અદમ્ય સેવાના વખાણ કર્યા હતા. તો સાથો સાથ રાજકોટ મ્યુનિસીપલ કોર્પોરેશન તથા રાજકોટ મ્યુનિસીપલ કોર્પોરેશનના આરોગ્ય વિભાગના અધિકારી ડો. રાઠોડની સેવાની પણ પ્રશંસા કરી રાજકોટ શહેરીજનો કોઇ પણ પ્રકારના 'ડર' વગર નિઃસંકોચ વગર રસીકરણ સીનીયર સીટીઝને લેવું જ રહ્યું એવી વિનમ્ર અપીલ કરેલ છે.

(4:51 pm IST)
  • અમેરિકામાં ફરી કોરોના કેસો ઘટવા લાગ્યા, છેલ્લા ૨૪ કલાકમાં ૪૯ હજાર નવા કેસ નોંધાયા: બ્રાઝિલમાં ૩૪ હજાર, ફ્રાન્સમાં ૧૯ હજાર, ઇંગ્લેન્ડ અને જર્મનીમાં ૬ હજાર ભારતમાં ૧૫૫૦૦ અને યુનાઈટેડ આરબ અમીરાતમાં થોડા ઘટીને ૨૯૦૦ નવા કેસ નોંધાયા છે: જ્યારે ઓસ્ટ્રેલિયામાં ૫, ચીનમાં ૧૯ અને હોંગકોંગમાં ૨૨ નવા કોરોના કેસ નોંધાયા access_time 12:25 pm IST

  • દેશમાં કોરોનાના સતત વધતા કેસથી ચિંતા :એક્ટિવ કેસની સંખ્યામાં પણ વધારો : રાત્રે 11 વાગ્યા સુધીમાં કોરોનાના નવા 11,563 કેસ નોંધાયા :કુલ કેસની સંખ્યા 1,11,23,619 થઇ :એક્ટિવ કેસ 1,65,199 થયા વધુ 11,990 દર્દીઓ સ્વસ્થ થતા કુલ 1,07,96,588 થયા :વધુ 80 લોકોના મોત સાથે કુલ મૃત્યુઆંક 1,57,275 થયા access_time 1:28 am IST

  • મહારાષ્ટ્રમાં આજે સવારે પણ ૮૨૯૩ નવા કેસ નોંધાયા, તો કેરળમાં ૩૨૫૪ કેસ સાથે આ બે રાજ્યોમાં ૧૧૫૦૦ થી વધુ કોરોના કેસ નોંધાયા છે: પુણેમાં ફરી હાહાકાર મચ્યો છે, ૧૧૮૫ નવા કેસ: મુંબઈમાં ૧૦૫૧ અને નાગપુર ૯૯૪ તથા અમરાવતી માં ૮૬૨ નવા કોરોના કેસ નોંધાયા: ગુજરાતમાં આજે સવાર સુધીમાં ૪૦૭ નવા કોરોના કેસ નોંધાયા છે: ભારતમાં આજ સવાર સુધીમાં કુલ ૧૫૫૦૦ નવા કોવિડ-૧૯ના કેસ નોંધાયા access_time 12:25 pm IST