Gujarati News

Gujarati News

News of Thursday, 25th July 2019

રાષ્ટ્રીય શાયર ઝવેરચંદ મેઘાણીના પુત્ર-પિનાકી મેઘાણીના પિતા નાનકભાઇ મેઘાણીને સ્વરાંજલી અર્પણ

રાજકોટ, તા.રાષ્ટ્રીય શાયર ઝવેરચંદ મેઘાણીના પુત્ર અને 'ઝવેરચંદ મેઘાણી સ્મૃતિ સંસ્થાન'ના સ્થાપક પિનાકી મેદ્યાણીના પિતા નાનકભાઈ ઝવેરચંદ મેઘાણીને પાંચમી પુણ્યતિથિએ 'સ્વરાંજલિ' અર્પણ થઈ. ઉત્તમ પુસ્તકો વાંચકો અને ખાસ કરીને યુવા પેઢી સુધી પહોચે તે માટે સ્વ. નાનકભાઈ આજીવન કાર્યરત રહ્યા.

ખ્યાતનામ લોકગાયિકા રાધાબેન વ્યાસ અને તેમનાં યુવા ઈજનેર પુત્ર મીત વ્યાસે ઝવેરચંદ મેદ્યાણી રચિત-સંપાદિત ગીતો-લોકગીતો-ભજનોની રમઝટ બોલાવી. લોકગાયક-ભજનિક ગંગારામ વાદ્યેલા અને બાળકલાકારો ધ્વનિ વાદ્યેલા, મલ્હાર વાદ્યેલા (તબલા) અને શુભમ વાદ્યેલા (કરતાલ)એ સમસ્ત વાલ્મીકિ અને વંચિત સમાજ વતી સ્વરાંજલિ આપી.

ઝવેરચંદ મેઘાણીના પૌત્ર પિનાકી નાનકભાઈ મેદ્યાણી, આજીવન સમાજ-સેવિકા, પૂર્વ સાંસદ સ્વ. જયાબેન વજુભાઈ શાહ પરિવારમાંથી ડો. અક્ષયભાઈ શાહ (અમેરિકા સ્થિત વૈજ્ઞાનિક), ડો. દિનેશભાઈ અવસ્થી (ઈડીઆઈના પૂર્વ  ડીરેકટર), ડો. અમિતબેન શાહ-અવસ્થી (જીઆઈડીઆરનાં પૂર્વ ડીરેકટર) અને અનારબેન શાહ, ભાલ નલકાંઠા ખાદી ગ્રામોદ્યોગ મંડળના ચેરમેન ગોવિંદસંગભાઈ ડાભી, સેન્ટ્રલ એકસાઈઝ એન્ડ કસ્ટમના આસી. કલેકટર વિપીનભાઈ ઓઝા (આઈઆરએસ), ગુજરાત સરકારના પૂર્વ ઈન્ડસ્ટ્રીઝ કમિશ્નર કે. કે. ચાવડા, સિવિલ હોસ્પીટલ (અમદાવાદ)ના પૂર્વ આરએમઓ ડો. કનુભાઈ બોરીચા, વાલ્મીકિ સમાજમાંથી કે. સી. વાદ્યેલા (વાલ્મીકિ યુવા ઉત્થાન મિશન), ભગવાનદાસ ચૌહાણ (વાલ્મીકિ સફાઈ કામદાર સંદ્ય), જગદીશભાઈ વાઘેલા, નવલભાઈ સોલંકી  અને દિલીપભાઈ વાઘેલા (ગ્રંથપાલ), સહકારી ક્ષેત્રના ગોવિંદભાઈ જાદવ, જતીનભાઈ ઘીયા, દેવેનભાઈ-માલિનીબેન બદાણી, પીયૂષભાઈ વ્યાસ, પૂર્વ પ્રાધ્યાપક ડો. પ્રીતિબેન શાહ અને અમીબેન શાહ, યુવરાજસિંહ જાડેજા (વેલસ્પન ઈન્ડસ્ટ્રીઝ), ભરતભાઈ મહેતા (નીરમા સીમેન્ટ), દિપકભાઈ શાહ, તુષારભાઈ શાહ, કાજલબેન સંજયભાઈ શાહની વિશેષ ઉપસ્થિતિ રહી.     

ડો. અક્ષયભાઈ શાહે પોતાના માસા સ્વ. નાનકભાઈ અને માસી સ્વ. કુસુમબેન સાથેના લાગણીસભર સંભારણાં વાગોળ્યા હતા. ઝવેરચંદ મેઘાણીએ પોતાના સાહિત્યમાં આલેખેલી વંચિત સમાજના શૌર્ય, શીલ અને સ્વાર્પણની વાતોનો આસ્વાદ પિનાકી મેઘાણીએ કરાવ્યો હતો. ઝવેરચંદ મેઘાણીની કર્મભૂમિ રાણપુર સ્થિત ક્રાંતિકારી જૈન મુનિશ્રી સંતબાલજી પ્રેરિત અને વંચિત સમાજની બહેનોને સ્વરોજગારી પૂરી પાડતી અગ્રગણ્ય ઊની ખાદી સંસ્થાના ત્રણ દાયકાથી ખાદી-રચનાત્મક ક્ષેત્રે કાર્યરત સેવાભાવી ચેરમેન ગોવિંદસંગભાઈ ડાભીનું આભિવાદન વાલ્મીકિ સમાજના અગ્રણીઓ દ્વારા કરાયું હતું. યુવા પ્રતિભાશાળી કલાકાર મીત પીયૂષકુમાર વ્યાસનું પણ પિનાકી મઘાણી અને ઝવેરચંદ મઘદ્યાણી સ્મૃતિ સંસ્થાન દ્વારા અભિવાદન કરાયું હતું.

આલેખન :પિનાકી નાનકભાઈ મેઘાણી 

ઝવેરચંદ મેઘાણી સ્મૃતિ સંસ્થાન  (મો. ૯૮૨૫૦ ૨૧૨૭૯)

(11:35 am IST)
  • ભારતમાં કોરોનાનો કહેર યથાવત : છેલ્લા 24 કલાકમાં 18,256 નવા કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 5,85,792 કેસ: 2,20,480 એક્ટિવ કેસ :કુલ 3,47,836 દર્દીઓ રિકવર થયા :વધુ 506 લોકોના મોત સાથે કુલ મૃત્યુઆંક 17,410 થયો :મહારાષ્ટ્રમાં સૌથી વધુ નવા 4878 કેસ સાથે કુલ કેસની સંખ્યા 1,74,761 થઇ: તામિલનાડુમાં નવા 3943 કેસ :દિલ્હીમાં વધુ 2199 કેસ નોંધાયા: કર્ણાટકમાં 947 નવા કેસ : તેલંગાણામાં નવા 945 કેસ :આંધ્ર પ્રદેશમાં વધુ 704 કેસ નોંધાયા access_time 12:59 am IST

  • " હર ઘર જલ " : ઉત્તર પ્રદેશના બુંદેલખંડમાં પાણીની તંગી હવે ભૂતકાળ બની જશે : મુખ્યમંત્રી યોગીએ દરેક ઘરમાં નળ દ્વારા પીવાનું પાણી મળી રહે તે માટે ' જલ જીવન યોજનાનો શુભારંભ કર્યો : 2185 કરોડ રૂપિયાના ખર્ચે પાઇપ લાઈન નાખવાની કામગીરી શરૂ કરાવી access_time 8:24 pm IST

  • બોટાદના બરવાળા ગામમાં ગાજવીજ સાથે ધોધમાર વરસાદ: ભીમનાથ અને પોલારપુર ચોકડી વિસ્તારમાં વરસાદ: નભોઈ અને પીપરીયા સહિતના ગ્રામ્ય પંથકમાં વરસાદ: વરસાદ કારણે વાતાવરણમાં ઠંડક પ્રસરી: ખેડૂતોમાં ખુશીની લહેર access_time 9:37 pm IST