Gujarati News

Gujarati News

News of Friday, 5th July 2019

ઝડપી વિકસીતની અપેક્ષાવાળુ સુંદર બજેટ - ગરીબ કુટુંબને રાહત તથા સુવિધા આપનારૂ બજેટ

નાણામંત્રીએ ૨૦૧૯-૨૦૨૦ના બજેટમાં મધ્યમ વર્ગ માટે અગાઉના બજેટમાં રૂ.૫ લાખની કરમુકિતમાં કોઈપણ ફેરફાર કરેલ નથી. પરંતુ બે કરોડથી વધુ આવક ધરાવનાર ઉપર વધારાનો ૩% સરચાર્જ ટેક્ષ લાગશે તેવી જ રીતે પાંચ કરોડથી વધુ આવક ધરાવનાર ઉપર ૭% વધારાનો સરચાર્જ ઈન્કમટેક્ષ ભરવો પડશે. આમ અમીરો ઉપર ટેક્ષ આવશે.

 ૪૫ લાખ સુધીના મકાન ખરીદી ઉપર હાઉસીંગ લોન વ્યાજ રૂ.૨ લાખને બદલે ૩.૫ લાખ વ્યાજ મળશે. આ છુટ મળશે. આ ઉપરાંત નાના દુકાનદારોને પણ પેન્શન યોજનામાં સમાવેશ કરતા તેમને પેન્શન લાભ મળશે.

 ૫ વર્ષમાં ૧૦૦ લાખ કરોડ ઈન્ફ્રાસ્ટ્રકચરમાં ખર્ચ કરવાથી દરેક ઘરમાં પાણી, વિજળી, શૌચાલય તેમજ મકાન પ્રાપ્ત થાય તેવી યોજના કરેલ છે.

 ઈન્કમટેક્ષ ભરવા માટે હવે પાનકાર્ડને બદલે આધારકાર્ડથી રીટર્ન ભરી શકાશે. તે ઉપરાંત લોન, રોકાણ વગેરે માટે પણ આધારકાર્ડના આધારે કાર્ય કરી શકશે.

 આ ઉપરાંત કોર્પોરેટ સેકટરોમાં ૨૫૦ કરોડને બદલે ૪૦૦ કરોડ ટર્ન ઓવર કરતી કંપનીઓ ઉપર ૨૫% લેખે આવકવેરો લાગતા અનેક નાની તથા મીડલ કંપનીઓને ફાયદો ખૂબ થશે. હવે ૯૯.૧૦% કંપનીઓ ફકત ૨૫% ટેક્ષ લાગશે.

 ડીજીટલને પ્રોત્સાહન આપવા તેમજ રોકડ ઉપર પ્રતિબંધ કરવા એક કરોડથી વધુ રોકડ ફકત જમા કરશે અથવા ઉપાડશે તો વધારાની રકમ ઉપર ૨% ટીડીએસ કાપવામાં આવવાથી રોકડ તથા બે નંબર વ્યવહાર ઉપર અંકુશમાં આવશે.

 ભારતને દુનિયામાં પાંચ ટ્રીલીયન ઈકોનોમી કરવાથી ભારત દુનિયામાં ચોથા - પાંચમા નંબરનો આર્થિક દેશ બનશે.

 ટૂંકમાં આ બજેટ ખૂબ સારૂ છે.

- નીતીન કામદાર ચાર્ટર્ડ એકાઉન્ટન્ટ - મો.૯૮૨૫૨ ૧૭૮૪૮

(3:35 pm IST)
  • હવે કર્ણાટક ભાજપમાં પણ કકળાટ : કર્ણાટકમાં રાજકીય સંકટના પગલે કોંગ્રેસમાં કકળાટ સર્જાયાના પગલે હવે ભાજપમાં પણ ધમાસાણ મચ્યું છે. જેડીએસ બળવાખોરને મુખ્યમંત્રી પદ આપવા મામલે ભાજપમાં ડખ્ખો સર્જાયો છે. કોંગ્રેસ અને જેડીએસ ગઠબંધન સરકાર ગબડે અને ભાજપની સરકાર બનાવવા કવાયત આડે પાર્ટીમાં મતભેદબહાર આવી રહ્યા છે. કોંગ્રેસ અને જેડીએસના બળવાખોર ધારાસભ્યોને સામેલ કરવા અંગે ભાજપમાં મતમતાંતર પ્રવર્તિ રહ્યાનું પણ કહેવાય છે. access_time 1:14 pm IST

  • રાહુલ ગાંધી વિરૂદ્ઘ ૨૦ ફોજદારી કેસો: સંઘ અને ભાજપના કાર્યકરોએ કોંગ્રેસના સાંસદ અને કોંગ્રેસના પૂર્વ રાષ્ટ્રીય અધ્યક્ષ રાહુલ ગાંધી વિરૂદ્ઘ દેશના જુદા જુદા ભાગોમાં ૨૦ જેટલા ફોજદારી કેસો કર્યાનું કોંગ્રેસના નેતાઓએ કહ્યું છે access_time 1:14 pm IST

  • ૧૪ કોંગી બળવાખોરો મુંબઈની હોટલમાં પાછા ફર્યા : ૨ દિ' વધુ રોકાશે : કર્ણાટકના ૧૪ બળવાખોર ધારાસભ્યો મુંબઈની હોટેલમાં પાછા ફર્યા, વધુ ૨ દિવસ રોકાય તેવી શકયતા access_time 1:12 pm IST