Gujarati News

Gujarati News

News of Friday, 25th May 2018

સાથી હાથ બઢાના

વંદનાબેન કુકરેજાને સારણગાંઠ અને પિતાશયની સારવારમાં રૂ.૮૦,૦૦૦ની જરૂર

રાજકોટ તા. ૨૫ : અતિ સાધારણ પરિસ્થિતીના સિંધી લોહાણા વંદનાબેન  શાંતિલાલ કુકરેજા સારણગાઠના દર્દ અને પિતાશયમાં પથરીના કારણે અસહ્ય દર્દ વેઠી રહ્યા હોય ઓપરેશન કરાવવુ પડે તેમ છે. તારા હોસ્પિટલના ડો. આશિત છનીયારા પાસે તેમની સારવાર ચાલુ છે. ઓપરેશન માટે રૂ.૮૦,૦૦૦ જેટલો ખર્ચ થાય તેમ છે. પતિ માનસિક અસ્થિરતાના કારણે ઘરમાં ધ્યાન આપી શકતા નથી. એક દિકરી સાથે સ્વાવલંબી જીવન જીવતા વંદનાબેન આટલી મોટી રકમને પહોંચી શકે તેમ ન હોય સમાજના સુખી સંપન્ન લોકોએ આર્થિક મદદ માટે આગળ આવવા તેમણે અપીલ કરી છે. તેઓ દેનાબેંક જંકશન પ્લોટ શાખામાં વંદનાબેન શાંતિલાલ કુકરેજાના નામથી બચત ખાતુ ધરાવે છે. તેમના ખાતા નં. ૦૫૪૫૧૦૦૪૩૧૫૧ છે. વધુ માહીતી માટે તેમના નિવાસ સ્થાન, 'ચામુંડા કૃપા' રેલનગર, પોપટપરાથી આગળ, ક્રિષ્ના પાર્ક શેરી નં. ર, રાજકોટ ખાતે રૂબરૂ અથવા તેમના મો.૮૪૦૧૩૪૧૩૦૨ ઉપર અથવા તેમના દીયર જવાહરલાલ કુકરેજા મો.૯૧૭૩૫ ૧૩૯૧૯ નો સંપર્ક કરી શકાય છે.

(11:45 am IST)
  • મુખ્યમંત્રી વિજય ભાઈ રૂપાણી આવતીકાલે શનિવારે 11 વાગ્યે ધોરાજી ના ફરેણીમાં શ્રી સહજાનંદ સંસ્કાર ધામ મહામંત્ર પીઠ (સ્વામિનારાયણ) આયોજિત સદગુરૂ જોગી સ્વામી સપાદ શતાબ્દી જન્મ જ્યંતી મહોત્સવ માં ઉપસ્થિત રહેશે:વિજય ભાઈ રૂપાણી આ અવસરે રસિકલાલ ધારી લાલ સી.બી.એસ ઈ સ્કુલનો લોકાર્પણ કરવાના છે. : મુખ્યમંત્રી બપોરે 3 વાગ્યે મોરબીના હળવદ તાલુકાના ચરાડવામાં ભાગવત સપ્તાહમાં પણ હાજરી આપશે : વિજય ભાઈ રૂપાણી સાંજે ગાંધીનગર પરત આવશે access_time 9:01 pm IST

  • મહાગઠબંધન થવું જ જોઈએ :સરકાર કોંગ્રેસના બહારથી સમર્થનથી પણ બની શકે છે :ચંદ્રાબાબુ નાયડુની ગર્ભિત વાણી : નાયડુએ આરોપ લગાવ્યો કે સીબીઆઈ અને આરબીઆઇ સહિતની સંસ્થાઓનો ભાજપની એનડીએ સરકાર નુકશાન પહોંચાડી રહી છે :બેગલુરૂમાં તેલુગુ દેશમ પાર્ટીના અધ્યક્ષ અને આધ્રપ્રદેશના મુખ્યમંત્રી ચંદ્રાબાબુ નાયડુએ એચડી દેવગૌડા અને કુમારસ્વામીની લીધી મુલાકાત access_time 12:57 am IST

  • દિલ્હીમાં ફરી લાગુ પડી શકે ઓડ-ઈવન: 48 કલાકમાં હવા નહીં સુધરે તો લેવાશે નિર્ણય:સરકાર દ્વારા આ અંગે તૈયારી કરવામાં આવી access_time 10:13 pm IST