Gujarati News

Gujarati News

News of Thursday, 9th March 2017


સાથી હાથ બઢાના

અકસ્માતથી મો, આંખ અને તાળવુ ગુમાવનાર વૈશાલી પવારને સારવાર માટે મદદની જરૂર

રાજકોટ તા. ૮ : મુળ મહારાષ્ટ્રના અને વર્ષોથી રાજકોટ મેટોડા સ્થાયી થયેલા તેમજ મજુરી કામથી પેટીયુ રડતા મનોહર પવારની પુત્રી વૈશાલી (ઉ.વ.૧૮) ને આઠેક માસ પહેલા એક અકસ્માત નડતા આંખ, મોં, તાળવામાં ગંભીર ઇજાઓ પહોંચી હતી. રાજકોટની વોકહાર્ટ હોસ્પિટલમાં અત્યાર સુધીમાં ૧૨ થી ૧૫ નાના મોટા ઓપરેશનો કરાવતા લગભગ રૂ. ૯ લાખ જેટલો ખર્ચ થઇ ગયો છે. હવે મોઢુ ખુલી શકતુ ન હોય તળવાનું ઓપરેશન કરાવવા એવીએસ હોસ્પિટલ હૈદ્રાબાદ ખાતે જવુ પડે તેમ છે. ત્યાંના તબીબોએ રૂ. બે લાખનો ખર્ચ થાય તેમ હોવાનો અભિપ્રાય આપેલ છે. આ ખર્ચને પહોંચી વળાય તેમ ન હોય સમાજના સુખી સંપન્ન લોકો અને દાતાઓએ આગળ આવવા અપીલ કરાઇ છે. વૈશાલી પવારના નામથી તેઓ એકસીસ બેન્ક મેટોડા બ્રાંચમાં ખાતુ ધરાવે છે. ખાતા નં.૯૧૬૦૧૦૦૩૧૫૯૧૫૩૬ છે. (આઇએફએસસી કોડ યુટીઆઇબી ૦૦૦૦૮૦૯ છે. વધુ માહીતી માટે તેમના માતા સુનીતાબેન પવાર (મો.૯૭૨૩૭ ૦૦૭૦૩) અથવા પિતા મનોહરભાઇ પવાર (મો.૮૪૬૯૦ ૬૫૯૮૪) નો અથવા તેમના નિવાસ સ્થાન માઇક્રો ટેક રોલર્સ, પીવીટીએલટી લી., જીઆઇડીસી મેટોડા, રાજકોટ ખાતે રૂબરૂ સંપર્ક કરી શકાય છે.

 

(11:38 am IST)
  • મહાત્મા ગાંધી દ્વારા હસ્તાક્ષર કરાયેલ એક દુર્લભ ફોટો અમેરિકામાં 41,806 ડોલર એટલે કે 27 લાખ 22 હજાર 615 રૂપિયામાં વેચાણ કરવામાં આવ્યો છે. તસ્વીરમાં ગાંધીજીને મદન મોહન માલવિયા સાથે જોવામાં આવી રહ્યા છે. બોસ્ટન સ્થિત આરઆર ઓકશન મુજબ, આ ફોટો સપ્ટેમ્બર 1931 માં લંડનમાં બીજા રાઉન્ડ ટેબલ કોન્ફરન્સ પછી લેવામાં આવ્યો હતો. આ દુર્લભ ચિત્ર પર, મહાત્મા ગાંધીએ ફાઉન્ટેન પેન દ્વારા 'એમ કે ગાંધી' લખીને પોતાના હસ્તાક્ષર કર્યા છે. access_time 2:53 pm IST

  • એસટી બસનું છેલ્લા બે વર્ષમાં સરકારી કાર્યક્રમોમાં ભારે ઉપયોગ, તેમ છતાં ભાડાની પૂરી રકમ હજુ સુધી ચૂકવાઈ નથી : બે વર્ષમાં ૪૭૦૪૧ બસો દોડાવાઈ : પરંતુ ભાડાપેટાની ૨૨.૭૮ કરોડ જેવી રકમ ચૂકવાઈ નથી access_time 5:53 pm IST

  • બિટકોઇનના ભાવમાં તોફાની ઘટાડો નોંધાતો જોવા મળ્યો છે. બિટકોઇન ૯૦૦૦ની સપાટી તોડી ૮,૯૭૪ના મથાળે જોવા મળ્યો હતો. એક સપ્તાહમાં બિટકોઇનના ભાવમાં ૧૮ ટકાનો ઘટાડો નોંધાતો જોવા મળ્યો છે. છેલ્લા ૨૪ કલાકમાં બિટકોઇનના ભાવમાં સાત ટકાથી વધુનું ગાબડું પડ્યું છે. access_time 4:46 pm IST