Gujarati News

Gujarati News

News of Friday, 11th December 2020

સાથી હાથ બઢાના

દિનેશભાઇ કારેલીયાને બ્રેઇન હેમરેજની સારવાર માટે રૂ.ર લાખની મદદની જરૂર

રાજકોટ તા. ૧૧ : ફેબ્રીકેશનનું કામ કરી વૃધ્ધ માતા, પતિ-પત્નિ અને બે બાળકો મળી પ લોકોના ભરણપોષણની જવાબદારી વહન કરી રહેલ રાજકોટના લુહાર જ્ઞાતિના દિનેશભાઇ હસમુખભાઇ કારેલીયા (ઉ.વ.૩૮) ને બ્રેઇન હેમરેજ થઇ જતા પરીવારજનો મોટી મુંજવણમાં મુકાઇ ગયા છે. ગોકુલ હોસ્પિટલમાં છેલ્લા છ માસથી તેમની સારવાર ચાલી રહી છે. અત્યાર સુધીમાં રૂ.૧૩ લાખ જેવો ખર્ચ થઇ ચુકયો છે. હજુ મગજમાં પાણી ભરાતુ હોય આગળ બે ઓપરેશન કરવા પડે તેમ છે. વધુ રૂ.ર લાખ જેવો ખર્ચ થાય તેમ છે. હતી તેટલી મુડી સારવાર પાછળ ખર્ચાઇ ચુકી છે. ત્યારે આગળની સારવાર માટે સુખી સંપન્ન લોકો, દાતાઓ આર્થીક મદદ માટે આગળ આવે તેવી અપીલ કરાઇ છે. તેમના ધર્મપત્નિ ગીતાબેન દિનેશભાઇ કારેલીયાના નામે રાજકોટ નાગરિક બેંક, ઉદ્યોગનગર શાખામાં બચત ખાતુ ધરાવે છે. તેમના ખાતા નં. ૦૧૧૦૦૩૧૦૦૦૪૬૩૧૭ છે. આઇએફસી કોડ : આરએનએસબી ૦૦૦૦૦૦૦૧ છે. વધુ માહીતી માટે ગોકુલ હોસ્પિટલ પર અથવા તેમના નિવાસ સ્થાન 'પુષ્ટી વિહાર' વીંગ બી-ર, બ્લોક નં. ૩૦૪, ગોંડલ રોડ, ખોડીયાર હોટલ પાછળ, કાંગશીયાળી, તા.જિ. રાજકોટ ખાતે રૂબરૂ અથવા ગીતાબેન કારેલીયા મો.૯૭૧૨૪ ૨૦૮૩૧ ઉપર સંપર્ક કરી શકાશે.

(11:29 am IST)
  • લગભગ દોઢ મહિના પછી, પૂર્વી લદ્દાખને અડીને LAC પરના તનાવને સંપૂર્ણ રીતે સમાપ્ત કરવા માટે શુક્રવારે ભારત અને ચીનના કોર કમાન્ડરો ફરીથી મળવા જઇ રહ્યા છે. આ બેઠક LAC ની બાજુમાં, ચુસુલમાં, ભારતમાં યોજાશે. લગભગ એક વર્ષથી પૂર્વ લદ્દાખને અડીને LAC પરના તણાવમાં આ અગિયારમો રાઉન્ડ છે. 20 મી ફેબ્રુઆરીએ છેલ્લી બેઠક મળી હતી. access_time 12:25 am IST

  • અમદાવાદમાં વધુ એક એસિડ એટેકની ઘટના : શારદાબેન હોસ્પિટલમાં લેબ ટેક્નિશયન પર એસિડ એટેક : શહેરકોટડા વિસ્તારમાં રહેતા એક શખ્શે બ્લડ ડોનેટ કરવા બાબતે તકરાર કરી હોસ્પિટલના લેબ ટેક્નિશિયન એસિડ એટેક કર્યો : હુમલો કરનાર વ્યક્તિ પ્રકાશ સોલંકી અનેક વખત બ્લડ ડોનેટ કરવા આવતો હતો ; સમગ્ર ઘટના સીસીટીવીમાં કેદ access_time 12:44 am IST

  • મહારાષ્ટ્રમાં કોરોના ગાંડોતૂર બનતા દેશમાં અત્યાર સુધીના રેકોર્ડબ્રેક નવા કેસ નોંધાયા : એક્ટિવ કેસનો આંકડો 9 લાખને પાર પહોંચ્યો :વધુ 684 દર્દીઓના મોત: રાત્રે 12 વાગ્યા સુધીમાં કોરોનાના નવા 1,26,265 કેસ નોંધાયા :કુલ કેસની સંખ્યા 1,29,26,061 થઇ :એક્ટિવ કેસ 9,05,021 થયા વધુ 59,132 દર્દીઓ સ્વસ્થ થતા કુલ 1,18,48,905 થયા :વધુ 684 લોકોના મોત સાથે કુલ મૃત્યુઆંક 1,66,892 થયા: દેશમાં સૌથી વધુ મહારાષ્ટ્રમાં નવા 59,907 નવા કેસ નોંધાયા access_time 12:51 am IST