Gujarati News

Gujarati News

News of Friday, 3rd June 2016


સાથી હાથ બઢાના

અશોકભાઇ રાઘુરાને સારવાર માટે રૂ. ૯૦,૦૦૦ ની જરૂર

 રાજકોટ તા. ૩ : સોડાની લારી ચલાવી પતિ-પત્નિનું ગુજરાત ચલાવતા લોહાણા જ્ઞાતિના અશોકભાઇ પોપટભાઇ રાઘુરા (ઉ.વ.૪૫) છેલ્લા આઠેક માસથી મોઢામાં થયેલ ગંભીર પ્રકારની ગાંઠથી હેરાન પરેશાન થઇ ગયા છે. આઠેક માસથી આ ગાંઠનું દર્દ પીડા આપી રહ્યુ છે. તેઓએ પહેલા નાથાલાલ પારેખ કેન્સર હોસ્પિટલ અને બાદમાં વોકહાર્ટ હોસ્પિટલમાં ડો. જેતાણીને બતાવતા અમુક ડોઝ અને ઓપરેશનની સારવાર કરાવવી પડે તેમ હોવાનું જણાવાયુ છે. આ માટે રૂ. ૮૦,૦૦૦ થી ૯૦,૦૦૦ નો ખર્ચ થાય તેમ હોવાનો તબીબી અભિપ્રાય અપાયો છે. તાણી તુસીને જીવન નિર્વાહ કરતા અશોકભાઇ રાઘુરા પાસે આટલી મોટી રકમની વ્યવસ્થા થઇ શકે તેમ ન હોય સમાજના સુખી સંપન્ન લોકો અને દાતાઓ પાસે મદદનો હાથ લંબાવ્યો છે. તેઓ એસ.બી.આઇ. (જવાહરરોડ)  શાખામાં બચત ખાતુ ધરાવે છે. તેમના ખાતા નં. ૩૩૪૭૫૯૭૫૪૮૩ છે. સીઆઇએફ નં. ૮૭૦૬૬૪૩૧૫૫૯ છે. વધુ માહીતી માટે તેમના નિવાસસ્થાન ઘંટેશ્વર, ચીથરીયા પીરની દરગાહની પાછળ, હાઉસીંગ બોર્ડ કવાર્ટર નં. ૧૧૧ ખાતે રૂબરૂ અથવા તેમના મો.૯૫૫૮૭ ૬૯૬૩૬ ઉપર સંપર્ક કરી શકાય છે. (૧૬.૬)

 

(4:07 pm IST)
  • સ્ક્રેપના કોન્ટ્રાકટર પાસેથી બોફોર્સમાં તોપ અને ટેન્કના ગોળા મળતા ખળભળાટ ;પાકિસ્તાન સરહદે સ્થિત જેસલમેરમાં મોટી કાર્યવાહી :પોખરણ ક્ષેત્રમાંથી સ્ક્રેપ ખરીદનાર એક મોટા કોન્ટ્રાકટરના ગોદામમાથી મોટી સંખ્યામાં ગોળા જપ્ત :સેનાના ઇન્ટેલિજન્સે સમગ્ર વિસ્તાર સીલ કરી દીધો :સૈન્ય અધિકારીઓ પહોંચ્યા :બૉમ્બ-ગોળાની ગણત્રીચાલુ access_time 1:25 am IST

  • ભાવનગર બોરતળાવ ગઠેચી વડલા વિસ્તારમાં આવેલ લાલ ટાંકી પાસે કોળી અને દરબારના જૂથ વચ્ચે અથડામણ :ચાર લોકોને ઇજા ;ડી ડિવિઝનનો પોલીસ કાફલો ઘટના સ્થળે દોડ્યો :બંને જૂથ દ્વારા પોલીસ ફરિયાદની તજવીજ access_time 10:17 pm IST

  • ગ્વાટેમાલામાં જવાળામુખીએ ૬૫નો ભોગ લીધો : હજુ વધુ મૃતદેહો દટાયા હોવાની આશંકાઃ ૩ દિવસનો રાષ્ટ્રીય શોક : મધ્ય અમેરીકાના દેશ ગ્વાટેમાલામાં રવિવારે ફયુગો જવાળામુખીમાં ૧૦૦ વર્ષો બાદ ભયંકર બ્લાસ્ટ થયેલ : અનેક લોકો હજુ પણ ગૂમ છે. ગૂમ થયેલા લોકોની સંખ્યા કેટલી છે તે વિશે કોઇ માહિતી નથીઃ કુલ ૧૭ લાખ લોકો પ્રભાવીત access_time 3:51 pm IST