Gujarati News

Gujarati News

News of Friday, 1st December 2017

સાથી હાથ બઢાના

નમ્રતા દવેને નાકના પડદાની સારવાર માટે રૂ.૬૦,૦૦૦ ની મદદની જરૂર

 રાજકોટ તા. ૧ : ધોરણ ૧૧ માં અભ્યાસ કરી રહેલ રાજકોટના ગરીબ બ્રાહ્મણ પરીવારની દિકરી નમ્રતા જયભાઇ દવેને એકાદ વર્ષ પહેલા શ્વાસની તકલીફ શરૂ થતા સરકારી હોસ્પિટલમાં નિદાન કરાવ્યુ હતુ. પડદો અને હાડકાની સમસ્યાના કારણે આ તકલીફ થતી હોય સર્જરીની સલાહ અપાઇ હતી. આ પ્રસકારની સારવાર સરકારી હોસ્પિટલમાં ન હોય ખાનગી હોસ્પિટલમાં જવાનું કહેવામાં આવતા પ્રથમ ડો. જતીન મોદીને અને બાદમાં ડો. ભૌમિક ભાયાણનીને બતાવતા ઓપરેશન કરવું પડે તેમ હોવાનું જણાવાયુ. આ માટે રૂ. ૬૦,૦૦૦ નો ખર્ચ થાય તેમ છે. નમ્રતાના પિતા જયભાઇ દવે ખાનગી નોકરી કરી પતિ પત્નિ, પુત્ર, પુત્રી મળી ચાર જણાનું માંડ ભરણ પોષણ કરી રહ્યા છે. ત્યારે આટલો ખર્ચ કરવા તેઓ સક્ષમ ન હોય સમાજના સુખી સંપન્ન લોકો, દાતાઓને આગળ આવવા અપીલ કરી છે. નમ્રતાના પિતા જયકુમાર ચીમનલાલ દવેના નામે રાજકોટ નાગરીક સહકારી બેંક ઉદ્યોગનગર શાખામાં બચત ખાતુ ધરાવે છે. તેમના ખાતા નં.૦૧૧૦૦૩૧૦૦૦૨૨૦૩૨ છે. વધુ માહીતી માટે તેમના નિવાસ સ્થાન 'જય અંબે', ગાયત્રીનગર મેઇનરોડ, ભકિતનગર સર્કલ પાસે, રાજકોટ ખાતે રૂબરૂ અથવા તેમના મો.૯૯૦૪૬ ૨૪૭૯૯ ઉપર સંપર્ક કરવા જણાવાયુ છે.

(4:58 pm IST)
  • સ્ક્રેપના કોન્ટ્રાકટર પાસેથી બોફોર્સમાં તોપ અને ટેન્કના ગોળા મળતા ખળભળાટ ;પાકિસ્તાન સરહદે સ્થિત જેસલમેરમાં મોટી કાર્યવાહી :પોખરણ ક્ષેત્રમાંથી સ્ક્રેપ ખરીદનાર એક મોટા કોન્ટ્રાકટરના ગોદામમાથી મોટી સંખ્યામાં ગોળા જપ્ત :સેનાના ઇન્ટેલિજન્સે સમગ્ર વિસ્તાર સીલ કરી દીધો :સૈન્ય અધિકારીઓ પહોંચ્યા :બૉમ્બ-ગોળાની ગણત્રીચાલુ access_time 1:25 am IST

  • મુંબઈમાં મુશળધાર વરસાદ: બદલાપૂર, ડોમ્બિવલી, વિક્રોલીમાં પવન સાથે વરસાદ તૂટી પડ્યો: કેટલાય સ્થળોએ લાઇટો ગૂલ :મુંબઈના મલબારહીલ વિસ્તારમાં ધોધમાર વરસાદ :રસ્તાઓમાં પાણી ભરાયા :કેટલાય જગ્યાએ વાહનચાલકો ફસાયા access_time 12:33 am IST

  • અમદાવાદ : ગુજરાત રાજ્યના ડીજીપીએ મીડિયાને બ્રિફિંગ કરવા બાબતે અધિકારીઓને કર્યો આદેશ : કમીશ્નરેટ વિસ્તારમાં નાયબ પોલીસ કમિશનર અને જિલ્લામાં નાયબ પોલીસ અધિકક્ષએ જ બ્રિફિંગ કરવા જણાવ્યું: બ્રિફિંગ કરતી વખતે ખાખી વર્દી પહેરવી ફરજીયાત : આ બાબતનું પાલન નહિ કરનાર સામે પગલાં લેવાશે access_time 1:33 pm IST