Gujarati News

Gujarati News

News of Wednesday, 19th June 2019

પ્રગતિશીલ, વિકાસશીલ અને ભ્રષ્ટાચારમુકત સરકાર દ્વારા અમે સશકત, સમૃધ્ધ અને સંપન્ન ભારતના નિર્માણ માટે કટીબધ્ધ છીએ

ભારતના પ્રધાન મંત્રી શ્રી નરેન્દ્રભાઈ મોદીનો રાષ્ટ્રીય શાયર ઝવેરચંદ મેદ્યાણીના પૌત્ર પિનાકી મેદ્યાણીને લાગણીસભર પત્ર

રાજકોટ, તા. ૧૯ : જેમને હૈયે સદાય રાષ્ટ્રપ્રેમ, લોકકલ્યાણ અને જનસેવાની ભાવના વસેલી છે એવા ભારતના લોકલાડીલા પ્રધાન મંત્રી શ્રી નરેન્દ્રભાઈ મોદીના નેતૃત્ત્વ હેઠળ લોકસભાની ચૂંટણીમાં જવલંત વિજય પ્રાપ્ત થયો છે તથા દેશના પ્રધાન મંત્રી પદે તેઓ પુન: બિરાજમાન થયા છે તેનું ગુજરાતી તરીકે સહુ સવિશેષ ગૌરવની લાગણી અનુભવે છે.

ભારતના યશસ્વી પ્રધાન મંત્રી શ્રી નરેન્દ્રભાઈ મોદીએ રાષ્ટ્રીય શાયર ઝવેરચંદ મેદ્યાણીના પૌત્ર અને ઝવેરચંદ મેદ્યાણી સ્મૃતિ સંસ્થાનના સ્થાપક પિનાકી નાનકભાઈ મેદ્યાણીને લાગણીસભર પત્ર લખ્યો છે.      

પ્રધાન મંત્રીશ્રી લખે છે અમે સૌનો સાથ, સૌનો વિકાસ, સૌનો વિશ્વાસના મૂળ સિધ્ધાંત સાથે આગળ વધી રહ્યા છીએ. લોકભાગીદારી વડે વિકાસને ગતિ આપવા અમે પૂરેપૂરા સમર્પિત છીએ. પ્રગતિશીલ, વિકાસશીલ અને ભ્રષ્ટાચારમુકત સરકાર દ્વારા અમે સશકત, સમૃધ્ધ અને સંપન્ન ભારતના નિર્માણ માટે કટીબધ્ધ છીએ.

રાષ્ટ્રીય શાયર ઝવેરચંદ મેઘાણીના વિવિધ સ્મૃતિ કાર્યક્ર્મોમાં સાહિત્ય-સંસ્કૃતિ-પ્રેમી શ્રી નરેન્દ્રભાઈ મોદીનો હરહંમેશ લાગણીભર્યો સહયોગ રહ્યો છે. ‘સ્વર્ણિમ ગુજરાત અંતર્ગત 2010માં શ્રી નરેન્દ્રભાઈ મોદીની પ્રેરણાથી ચોટીલા સ્થિત ઝવેરચંદ મેદ્યાણીનું ઐતિહાસિક જન્મસ્થળ સહુપ્રથમ વખત જાહેર જનતા માટે ખુલ્લુ મૂકાયું હતું. 2011-ઓગસ્ટમાં પિનાકી મેઘાણી અને માતા સ્વ. કુસુમબેન મેઘાણી સાથેની મુલાકાતમાં એમણે પ્રેરક એક વાત કહી હતી. આપણી સંસ્કૃતિ, ઈતિહાસ અને સાહિત્યનું જતન આપણે નહિ કરીએ તો નવી પેઢી આપણને કદાપિ માફ નહિ કરે.

આલેખન 

પિનાકી નાનકભાઈ મેદ્યાણી 

ઝવેરચંદ મેદ્યાણી સ્મૃતિ સંસ્થાન 

(મો. ૯૮૨૫૦ ૨૧૨૭૯)

(11:29 am IST)
  • દ્વારકા જિલ્લામાં કોરોનાએ કહેર વર્તાવ્યો: જિલ્લામાં કુલ કેસો 73 થયા:ગુંદા ગામે 4 લોકોનો કોરોના રિપોર્ટ પોઝીટીવ : સ્નેહ રાકેશ પાડલીયા 12 વર્ષ, ચાંદ અનિલ લાલકીયા 14 વર્ષ , યુગ રેનિસ અમૃતિયા 09 વર્ષ અને રાકેશ દામજી પાડલિયા 38 વર્ષ આ ચાર લોકોના રિપોર્ટ પોઝીટીવ આવ્યા બાદ તેઓને સરકારી હોસ્પિટલ ખસેડાયા : જિલ્લામાં કુલ કેસો 73 થયા : તેન લોકોના મૃત્યુ : 33 દર્દીઓ ડિસ્ચાર્જ અને 37 દર્દીઓ એક્ટિવ કેસો access_time 10:21 pm IST

  • ૧ થી ૧૪ ઓગષ્ટ વચ્ચે દેશમાં સારો વરસાદ જામશેઃ ૧૮ ઓગષ્ટ પછી નવો દૌરઃ ઓગષ્ટમાં વરસાદ ધરવી દેશે ? : ૮-૯ ઓગષ્ટ પછી વળી એક બીઓબી એલપીએની આગાહી ઇસીએમ ડબલ્યુએફએ કરી છે. જેને લીધે પશ્ચિમના સાગરકાંઠે, મધ્ય - ઉત્તર અને ઉત્તર પશ્ચિમ ભારતમાં ૧ થી ૧૪ ઓગષ્ટ વચ્ચે વરસાદની જમાવટ રંગ લાવશે અને ૧૮ ઓગષ્ટ પછી ફરીથી દેશના સંખ્યાબંધ ભાગોમાં વરસાદનું જોર વધી જશે તેમ ખાનગી વેધર એનાલીસ્ટે ટવીટર ઉપર કહ્યું છે. access_time 1:19 pm IST

  • અંત સમયમાં ભગવાન જ યાદ આવે છે : મધ્યપ્રદેશના પૂર્વ મુખ્યમંત્રી કમલનાથે રામમંદિરના નિર્માણને આવકારતો વિડિઓ વાઇરલ કરતા ભાજપ આગેવાન કૈલાસ વિજય વર્ગીયનો કટાક્ષ : અત્યાર સુધી કોંગ્રેસ આગેવાનો રામના પાત્રને કાલ્પનિક ગણાવતા હતાં : હવે સદબુદ્ધિ આવી તે બાબત આવકારદાયક access_time 7:59 pm IST