''બમ બમ ભોલે'': યુ.એસ.માં હિન્દુ ટેમ્પલ સોસાયટી ઓફ સાઉધર્ન કેલિફોર્નિયાના ઉપક્રમે ૪ માર્ચ ૨૦૧૯ના રોજ શિવરાત્રી પર્વ ઉજવાશેઃ રૂદ્રાભિષેક, મહામૃત્યુંજય જાપ, હોમ,અર્ચના, ડાન્સ સહિત વિવિધ કાર્યક્રમોના આયોજનોઃ તમામ માટે વિનામૂલ્યે પ્રવેશ

કેલિફોર્નિયાઃ યુ.એસ.માં હિન્દુ ટેમ્પલ સોસાયટી ઓફ સાઉધર્ન કેલિફોર્નિયાના ઉપક્રમે ૩ તથા ૪ માર્ચ ૨૦૧૯ના રોજ શિવરાત્રિ ઉત્સવ ઉજવાશે.

૧૬૦૦, લાસ વર્જીન્સ કેનયોન રોડ, કેલાબસાસ, કેલિફોર્નિયા મુકામે થનારી ઉજવણી અંતર્ગત ૩ માર્ચ રવિવારે સવારે ૯ વાગ્યાથી સાંજના ૬ વાગ્યા દરમિયાન અભિષેક, સમૂહ મહા મૃત્યુંજ્ય તથા રૂદ્ર હોમ, ભરત નાટયમ, અર્ચના સહિતના કાર્યક્રમો યોજાશે. તથા ૪ માર્ચ સોમવારે સવારે ૯ વાગ્યાથી સાંજે ૪-૩૦ વાગ્યા સુધી શિવજીને અભિષેક કરાશે તેમજ ભજન કિર્તન ડાન્સ તથા સાંસ્કૃતિક કાર્યક્રમો યોજાશે.