''જયોર્જીયા ઓથર ઓફ ધ ઇયર'': ઇન્ડિયન અમેરિકન મહિલા પ્રોફેસર સુશ્રી રૂબી લાલને ૨૦૧૯ની સાલનો એવોર્ડ એનાયતઃ મોગલ સમ્રાટ જહાંગીરના બેગમ નૂરજહાંના જીવન ચરિત્રના શ્રેષ્ઠ આલેખન બદલ કરાયેલી કદર

જયોર્જીયાઃ યુ.એસ.ની એમરી યુનિવર્સિટીના પ્રોફેસર મહિલા ઇન્ડિયન અમેરિકન સુશ્રી રૂબી લાલને ૨૦૧૯ની સાલના ''જયોર્જીયા ઓથર ઓફ ધ ઇયર'' એવોર્ડથી નવાજવામાં આવ્યા છે.

ભારતમાં ૧૪મી સદીમાં મોગલ સામ્રાજય સમયે જહાંગીરના બેગમ નૂરજહાંના રાજવહીવટમાં નિપુણતા તથા માર્ગદર્શન આપતા જીવન ચરિત્રના આલેખતા પુસ્તક બદલ તેમને ઉપરોકત એવોર્ડ એનાયત કરાયો છે. જે જયોર્જીયા રાઇટર્સ એશોશિએશનના ઉપક્રમે આયોજીત પપમાં વાર્ષિક એવોર્ડ વિતરણ સમારંભ પ્રસંગે ૧૫ જુનના રોજ આપવામાં આવ્યો હતો.