યુ.એસ.માં ‘‘જર્સી સીટી એશિઅન મર્ચન્ટ એશોશિએશન''ના ઉપક્રમે ૧૯ તથા ૨૦ ઓકટો.ના રોજ રાસ ગરબાની રમઝટઃ તમામ માટે વિનામૂલ્યે પ્રવેશ
(દિપ્તીબેન જાની દ્વારા) ન્યુજર્સીઃ યુ.એસ.માં જર્સી સીટી એશિઅન મર્ચન્ટ એશોશિએશનના ઉપક્રમે ઇન્ડિયા સ્કવેર જર્સી સીટી મુકામે ભારે ઉમંગપૂર્વક ભારતનો લોકપ્રિય તહેવાર નવરાત્રિ ઉત્સવ ઉજવાઇ રહ્યો છે. જે અંતર્ગત ૧૨ તથા ૧૩ ઓકટો.૨૦૧૮ના રોજ કરાયેલી ઉજવણીમાં ભારે સંખ્યામાં ભાવિકો ઉમટી પડયા હતા. તથા ઉત્સવનો આનંદ માણ્યો હતો.
હજુ પણ આ ઉત્સવ આવતીકાલ ૧૯ ઓકટો શુક્રવાર તથા ૨૦ ઓકટો. શનિવારના રોજ ભારે ઉમંગભેર ઉજવાશે. રાત્રિના ૯ વાગ્યાથી સવારે ૨ વાગ્યા સુધી રાસ ગરબાની રમઝટ બોલશે. તમામ માટે વિનામૂલ્યે પ્રવેશ સાથે ઉજવાઇ રહેલા આ નવરાત્રિ ઉત્સવનો આનંદ માણવાની સાથે ભારતીય સંસ્કૃતિને જીવંત રાખવા જર્સી સીટી એશિઅન મર્ચન્ટ એશોશિએશન પ્રેસિડન્ટ શ્રી રાજુ પટેલએ આમંત્રણ પાઠવ્યું છે.