દરેક ઇન્ડિયન અમેરિકન અચૂક મતદાન કરે તથા તે માટે રજીસ્ટ્રેશન કરાવેઃ યુ.એસ.માં ઇલિનોઇસ ૮મા ડીસ્ટ્રીકટના ઇન્ડિયન અમેરિકન કોંગ્રેસમેન શ્રી રાજા ક્રિશ્નામૂર્થીએ પ્રાઇમરી ચૂંટણીમાં મતદાન કરવા અનુરોધ કર્યો
ઇલિનોઇસઃ યુ.એસ.માં ઇન્ડિયન અમેરિકન ડેમોક્રેટ કોંગ્રેસમેન શ્રી રાજા ક્રિશ્નામૂર્થીએ મૈસૂર વુડલેન્ડસ, શિકાગો ઇલિનોઇસસ મુકામે પ્રેસ કોન્ફરન્સનું આયોજન કર્યુ હતું. જેમાં વિવિદ મુદાઓની તેમણે છણાંવટ કરી હતી. તથા બૃહદ શિકાગોના પ્રજાજનોને ઇલિનોઇસ પ્રાઇમરી ચૂંટણીમાં મતદાન કરવા ખાસ અનુરોધ કર્યો હતો.
તેમણે જણાવ્યું હતું કે તમામ ઇન્ડિયન અમેરિકન્સ તથા બૃહદ શિકાગોના રહેવાસીઓએ મત આપવા માટે રજીસ્ટ્રેશન કરાવી લેવું જોઇએ. તો જ તેઓ તેમના પ્રશ્નોને વાચા આપવા માટે મતદાન કરી શકશે. જે માટે તેમના વોલન્ટીઅર્સ મદદરૂપ થવા તત્પર હોવાનું જણાવ્યુ હતુ.
ઇલિનોઇસ ૮મા ડીસ્ટ્રીકટમાંથી ચૂંટણી લડી રહેલા શ્રી ક્રિશ્નામુર્થી ફંડ રાઇઝીંગ ક્ષેત્રે પણ સફળતા પૂર્વક આગળ વધી રહ્યા છે. ડીસે.૨૦૧૭ના કવાર્ટરમાં તેમણે વધુ ૬,૫૦,૦૦૦ ડોલર ભેગા કરી લીધા હોવાનું જણાવ્યુ હતુ. તેવુ શ્રી શ્રી સુરેશ તથા સુશ્રી ઉષા બોડીવાલાની યાદી દ્વારા જાણવા મળે છે.