વેબસાઇટના માધ્યમ દ્વારા મળવા બોલાવેલી મહિલા ઉપર સેકસી હુમલાઓ કરવા બદલ ઇન્ડિયન અમેરિકન સંજય ત્રિપાઠી કસૂરવાનઃ ૨ બાળકોના પિતા એવા ૪૮ વર્ષીય આઇ.ટી.એકઝીકયુટીવ ત્રિપાઠીએ ગીફટ આપવાના બહાને મહિલાને રૂમમાં લઇ જઇ પરાણે પ્રિત કરતાં જેલમાં જવાની નોબત
નોર્થ કેરોલિનાઃ ઇન્ડિયન અમેરિકન આઇ.ટી.એકઝીકયુટીવ ૪૮ વર્ષીય સંજય ત્રિપાઠીને ૩૮ વર્ષીય ખૂબસૂરત મહિલા ઉપર સેકસી હુમલાઓ કરી ઇજાઓ પહોંચાડવા બદલ મેનહરન કોર્ટએ કસૂરવાન ગણ્યો છે. તેવું સમાચાર સૂત્રો દ્વારા જાણવા મળે છે.
નોર્થ કેરોલિના સ્થિત ત્રિપાઠીએ વેબસાઇટના માધ્યમ દ્વારા ૧૫ જુન ૨૦૧૬ના રોજ એક ખૂબસૂરત મહિલાને ડેટીંગ દ્વારા મળવા બોલાવી હતી. જયાં હોટલ બારમાં મહિલા સાથે ડ્રીંક લીધા બાદ તેને ગીફટ આપવાના બહાને રૂમમાં લઇ જઇ તેના ઉપર સેકસી હુમલાઓ કરી ઇજાઓ પહોંચાડતા મહિલાએ ફરિયાદ કરી હતી. જે આરોપો પૂરવાર થતા તેને દોષિત ગણવામાં આવ્યો છે. ૧૮ જુલાઇના રોજ આ ત્રિપાઠી કે જે બે બાળકોનો પિતા છે. તેને સજા ફરમાવાશે. જે વધુમાં વધુ ૨૫ વર્ષ સુધીની થઇ શકે છે. તેવું સમાચાર સૂત્રો દ્વારા જાણવા મળે છે.