News of Wednesday, 20th November 2019
અમેરિકામાં યોજાયેલી 'મિસ ઇન્ડિયા કનેેકટીકટ' નો તાજ અર્ચિતા મુંદરાથીના શિરે : મિસીસ ઇન્ડિયા કનેકટીકટ તરીકે સુશ્રી મમતા પુટ્ટાસ્વામી વિજેતા
કનેકટીકટઃ યૂ.એસ.માં યોજાયેલ ' મિસ ઇન્ડિયા કનેકટીકટ'' નો તાજ સુશ્રી અર્ચિતા મુંદરાથીના શિરે ગયો છે તથા મિસીસ ઇન્ડીયા કનેકટીકટ તરીકે સુશ્રી મમતા પુટ્ટાસ્વામી વિજેતા થયા છે.
ર નવેમ્બર-ર૦૧૯ ના રોજ યોજાયેલી આ સૌંદર્ય સ્પર્ધામાં ર૪ સ્પર્ધકોએ ભાગ લીધો હતો. જેનું આયોજન સ્ટેટ ડીરેકટરશ્રી સુમથી નારાયણનએ કર્યુ હતુ.
ઉપરાંત જુનીયર પ્રિટીન, પ્રિ ટીન, ટીન તથા મીસીસ એમ અલગ અલગ સ્પર્ધાઓનું આયોજન કરાયું હતુ. જેમા વિજેતાઓના સોૈંદર્ય ઉપરાંત બુદ્ધિશકિત, જનરલ નોલેજ સહિત વિવિધ બાબતોને ધ્યાનમં લેવાઇ હતી.
આ તકે ર૦૧૮ ની સાલની વિજેતા સુંદરી પણ હાજર રહી હતી. તથા સ્પર્ધા અંતર્ગત વિવિધ સાંસ્કૃતિક કાર્યક્રમોના આયોજનો કરાયા હતા.
(9:08 pm IST)