અમેરિકાના ૭ કોંગ્રેસમેનનું પ્રતિનિધિ મંડળ ભારતના પ્રવાસેઃ ઇન્ડિયન અમેરિકન કોંગ્રેસમેન શ્રી રાજા ક્રિશ્નામુર્થી સહિતના આ પ્રતિનિધિ મંડળએ વડાપ્રધાન શ્રી નરેન્દ્રભાઇ મોદીની મુલાકાત લીધી
નવી દિલ્હીઃ યુ.એસ.માં ઇલિનોઇસના ૮મા કોંગ્રેશ્નલ ડીસ્ટ્રીક્ટમાંથી ચૂંટાઇ આવેલા ઇન્ડિયન અમેરિકન કોંગ્રેસમેન શ્રી રામ ક્રિશ્નામુર્થીએ તાજેતરમાં ૬ એપ્રિલના રોજ નવી દિલ્હી મુકામે ભારતના વડાપ્રધાન શ્રી નરેન્દ્રભાઇ મોદીની મુલાકાત લીધી હતી.
૭ કોંગ્રેસમેન સાથેનું આ પ્રતિનિધિ મંડળ ૪ એપ્રિલથી ૭ એપ્રિલ ૨૦૧૮ દરમિયાન ભારતના પ્રવાસે આવ્યું હતું. વિદેશ મંત્રાલયના આમંત્રણને માન આપી ભારત આવેલા આ પ્રતિનિધિ મંડળએ વડાપ્રધાન તેમજ અન્ય કેન્દ્રીય મંત્રીઓ સાથે ચર્ચાઓ કરી હતી. તથા વિશ્વના બંને લોકશાહી દેશ ભારત તથા અમેરિકા વચ્ચેના સંબંધો વધુ દૃઢ બનાવવા તેમજ વિશ્વમાં સંયુક્ત શક્તિ વડે શાંતિ સ્થાપવા અને પ્રજાને સલામતી બક્ષવા મંત્રણાઓ થઇ હતી તેવું સમાચાર સૂત્રો દ્વારા જાણવા મળે છે.