યુ.એસ.માં ‘‘ઇન્ડિયન મુસ્લિમ એશોશિએશન ઓફ ગ્રેટર હયુસ્ટન'' તથા ઇન્ડિયન કોન્સ્યુલેટના સંયુક્ત ઉપક્રમે ઇફતાર પાર્ટી યોજાઇઃ ૧૧ જુનના રોજ યોજાયેલ ઇફતાર ડીનરમાં ભારતના કોન્સ્યુલ જનરલ શ્રી અનુપમ રાય સહિત મુસ્લિમ તથા હિન્દુ અગ્રણીઓ જોડાયા
હયુસ્ટનઃ યુ.એસ.ના હયુસ્ટનમાં ‘‘ઇન્ડિયન મુસ્લિમ એશોશિએશન ઓફ ગ્રેટર હયુસ્ટન (IMAGH)''ના ઉપક્રમે ૧૧ જુનના રોજ ઇન્ડિયન કોન્સ્યુલેટના સહયોગ સાથે ઇફતાર પાર્ટીનું આયોજન કરાયું હતું.
ભારતના કોન્સ્યુલેટ જનરલ શ્રી અનુપમ રાયએ ૨૦૧૬ની સાલથી પોતાના નિવાસ સ્થાને શરૂ કરેલી સૌપ્રથમ ઇફતાર પાર્ટી હવે છેલ્લા બે વર્ષથી કોન્સ્યુલેટ ઓફિસના વિશાળ હોલમાં યોજાય છે.
૨૦૧૮ની સાલની એટલે કે સતત ત્રીજા વર્ષની આ ઇફતાર પાર્ટીમાં કોન્સ્યુલેટ જનરલ શ્રી અનુપમ રાય ઉપરાંત હિન્દુ તથા મુસ્લિમ અગ્રણીઓ શ્રી સન્ની શર્મા, શ્રી અબિઝર તૈયબજી, શ્રી કેન મેથ્યુ, શ્રી મુરાદ અજાની, શ્રી અરશદ માટીન, શ્રી પ્રેસ્ટોન કુલકર્ણી, આયોજક શ્રી લટાફથ હુસેન, ભારતના ડેપ્યુટી કોન્સ્યુલ જનરલ શ્રી સુરેન્દ્ર અધાના સહિતના મહાનુભાવો જોડાયા હતા. તેવું IAN દ્વારા જાણવા મળે છે.