યુ.એસ.ના સાન ફ્રાન્સિસ્કો પબ્લીક ડીફેન્ડર તરીકે શ્રી મનોહર રાજુની નિમણુંકઃ સાઉથ એશિઅન એટર્નીને આ પોસ્ટ ઉપર નિમણુંક અપાયાનો સૌપ્રથમ વિક્રમ

કેલિફોર્નિયાઃ યુ.એસ.ના સાન ફ્રાન્સિસ્કો મેયરએ ઇન્ડિયન અમેરિકન એટર્ની શ્રી મનોહર રાજુને ૧૧ માર્ચના રોજ પબ્લીક ડીફેન્ડર તરીકે નિમણુંક આપી છે. યુ.એસ.માં કોઇપણ સાઉથ એશિઅનને આ પોસ્ટ ઉપર નિમણુંક અપાયાનો આ કદાચ સૌપ્રથમ વિક્રમ છે. તેવું સાઉથ એશિઅન બાર એશોશિએશન ઓફ નોર્ધન કેલિફોર્નિયાએ જણાવ્યું છે.

શ્રી રાજુ આ કામગીરીના સહાયક તરીકેનો ૧૧ વર્ષનો અનુભવ ધરાવે છે. તેઓ પૂર્વ પબ્લીક ડીફેન્ડરની ઓફિસમાં ઉપરોકત સમયગાળા દરમિયાન કામગીરી બજાવી ચૂકયા છે. તથા પૂર્વ પબ્લીક ડીફેન્ડરનું અવસાન થતાં તેમની જગ્યાએ શ્રી રાજુને નિમણુંક અપાઇ છે.