અમેરિકામાં ચાલતુ શટડાઉન ૨૨માં દિવસમાં પ્રવેશ્યુઃ પૂર્વ પ્રેસિડન્ટ કિલન્ટનના સમયનો ૨૧ દિવસનો વિક્રમ તૂટયોઃ મેકિસકો બોર્ડર ઉપર દિવાલ બાંદવા મુદે વર્તમાન પ્રેસિડન્ટ ડોનાલ્ડ ટ્રમ્પ અને ડેમોક્રેટ પાર્ટીના સાંસદો વચ્ચેની મડાગાંઠ હજુ સુધી અણઉકેલઃ ૮ લાખ જેટલા સરકારી કર્મચારીઓ પગાર મેળવ્યા વિના કામ કરવા મજબૂર
વોશીંગ્ટનઃ અમેરિકામાં અત્યાર સુધીના સૌથી લાંબા શટડાઉનનો વિક્રમ સર્જાયો છે.જે મુજબ હાલના પ્રેસિડન્ટ ડોનાલ્ડ ટ્રમ્પના શાસનમાં આજરોજ શટડાઉનનો રરમો દિવસ છે. આ અગાઉ કિલન્ટન પ્રેસિડન્ટ હતા ત્યારે ૨૧ દિવસ શટડાઉન રહેલ જયારે આ વખતનું શટડાઉન રરમા દિવસ પછી પણ હજુ ચાલુ છે.
ઉલ્લેખનીય છે કે વર્તમાન શટડાઉન અમેરિકા તથા મેકિસકોની બોર્ડર ઉપર દિવાલ બાંધવા મુદે છે જેથી ગેરકાયદે વસાહતીઓ મેકિસકોના રસ્તેથી પ્રવેશ ન કરી શકે. આ દિવાલ બાંધવા માટેના જંગી ખર્ચની રકમ મંજુર કરવા ડેમોક્રેટ પાર્ટીના સાંસદો સંમત ન હોવાથી મામલો જીદે ચડી ગયો છે. જેનો ઉકેલ હાલની તકે દેખાતો પણ નથી.
આ શટડાઉનના કારણે ૮ લાખ જેટલા સરકારી કર્મચારીઓ પગાર મેળવ્યા વિના કામ કરવા મજબુર બની રહ્યા છે. તેવું સમાચાર સૂત્રો દ્વારા જાણવા મળે છે.