એન. આર. આઈ. સમાચાર
News of Friday, 11th January 2019

યુ.એસ.ના હ્યુસ્ટનમાં 31 ડિસેમ્બરના રોજ ભારે ઉમંગપૂર્વક નવા વર્ષના આગમનને વધાવાયું : ઇન્ડિયા હાઉસ ખાતે કરાયેલી ઉજવણીમાં 200 ઉપરાંત ઇન્ડિયન અમેરિકન અગ્રણીઓ પરિવાર સાથે હાજર રહ્યા :ડિનર,ડાન્સ,તથા ડી.જે.લાઈવ મ્યુઝિક સાથે નાચ ગાનની મોજ માણી

યુ.એસ.ના હ્યુસ્ટનમાં ઇન્ડિયન અમેરિકન અગ્રણીઓએ ઇન્ડિયા હાઉસ ખાતે 31 ડિસેમ્બરના રોજ ભારે ઉમંગપૂર્વક નવા વર્ષની ઉજવણી કરી હતી.જેમાં 200 ઉપરાંત ભારતીય અગ્રણીઓ પરિવાર સહિત હાજર રહ્યા હતા.

રાત્રે 8 વાગ્યે શરૂ કરાયેલી ઉજવણીમાં સહુએ સાથે મળી સ્વાદિષ્ટ ડીનરનો આનંદ માન્યો હતો.બાદમાં સાંસ્કૃતિક કાર્યક્રમો યોજાયા હતા.બાળકો માટે કરાયેલી મનોરંજનની વ્યવસ્થા મુજબ તેમના માટે અલગ રૂમ ફાળવાયો હતો.જ્યાં તેમણે મુવી,કાર્ટૂન સહિતનો આનંદ માણ્યો હતો.

તમામ માટે કરાયેલી મનોરંજન વ્યવસ્થા મુજબ ડાન્સ,મ્યુઝિક તથા બૉલીવુડ સિંગરના લાઈવ ડી.જે.નું આયોજન કરાયું હતું જેમાં સહુ મન મૂકીને ઝૂમ્યા હતા.રાત્રે બરાબર 12 વાગ્યે સહુએ 2019 ની સાલના આગમનને કિકિયારીઓ સાથે વધાવ્યું હતું તેવું IAN દ્વારા જાણવા મળે છે.

(8:16 pm IST)