8 નવેમ્બરે યુએસમાં હાઉસ ઓફ રિપ્રેઝન્ટેટિવની મધ્યસત્ર ચૂંટણી : 5 ભારતીય-અમેરિકન પણ રેસમાં :પાંચ પૈકી ચાર વર્તમાન સાંસદો અમી બેરા, રાજા કૃષ્ણમૂર્તિ, રો ખન્ના અને પ્રમિલા જયપાલ ફરીથી ચૂંટાઈ આવશે તેવો નિષ્ણાતોનો મત

વોશિંગ્ટનઃ અમેરિકામાં 8 નવેમ્બરે હાઉસ ઓફ રિપ્રેઝન્ટેટિવની મધ્યસત્ર ચૂંટણી યોજાઈ રહી છે. ભારતીય મૂળના પાંચ અમેરિકન નાગરિકો પણ આ ચૂંટણીની રેસમાં છે.

જો ચૂંટણી વિશ્લેષકોના અભિપ્રાયને ધ્યાનમાં લેવામાં આવે તો આ ભારતીય-અમેરિકનો પાસે હાઉસ ઓફ રિપ્રેઝન્ટેટિવમાં ચૂંટાઈ આવવાની 100 ટકા તક છે. ચાર વર્તમાન સાંસદો અમી બેરા, રાજા કૃષ્ણમૂર્તિ, રો ખન્ના અને પ્રમિલા જયપાલ ફરીથી ચૂંટાય તેવી અપેક્ષા છે. ચારેય ડેમોક્રેટિક પાર્ટીના છે.

 હાઉસ ઓફ રિપ્રેઝન્ટેટિવ્સમાં ભારતીય અમેરિકનોના કહેવાતા 'સમોસા કોકસ'માં ઉદ્યોગસાહસિક અને ઉદ્યોગપતિ શ્રી શો પણ સામેલ હોઈ શકે છે, જેઓ મિશિગનના 13મા કોંગ્રેસનલ ડિસ્ટ્રિક્ટ માટે ચૂંટણી લડી રહ્યા છે.તેવું પી.કે.દ્વારા જાણવા મળે છે.