CNN ના રાજકીય વિશ્લેષક ઇન્ડિયન અમેરિકન શ્રી પીટર મેથ્યુ કેલીફોર્નીઆમાંથી કોંગ્રેસમેન તરીકે ચૂંટણી લડશે

કેલિફોર્નિયા : CNN ના રાજકીય વિશ્લેષક ઇન્ડિયન અમેરિકન શ્રી પીટર મેથ્યુએ કેલીફોર્નીઆના 47 માં ડિસ્ટ્રીક્ટમાંથી  કોંગ્રેસમેન તરીકે ઉમેદવારી નોંધાવી છે.તેવું સમાચાર સૂત્રો દ્વારા જાણવા મળે છે.

શ્રી મેથ્યૂની કમપેન ટીમના જણાવાયા મુજબ 2020 ની સાલમાં યોજાનારી પ્રાઈમરી ચૂંટણીમાં તેઓ કોર્પોરેટ કંપનીઓ નહીં પરંતુ લોકો પાસેથી ફંડ ભેગું કરી ચૂંટણી લડવા માંગે છે.

તેઓ  CNN ,CNN ઇન્ટરનેશનલ ,Sky ન્યુઝ યુ.કે.તથા BBC રેડીઓ સહીત જુદા જુદા મીડિયા સાથે જોડાયેલા છે.તેમજ સાઇપ્રસ કોલેજમાં પ્રોફેસર તરીકે સેવાઓ આપે છે.સરકારી તથા પ્રાઇવેટ ક્ષેત્રે રોજગારી વધારવાના મુખ્ય હેતુ સાથે તેમણે ચૂંટણી જંગમાં ઝુકાવ્યું છે.