Gujarati News

Gujarati News

News of Wednesday, 30th May 2018

આયર્લેન્‍ડમાં મહિલાઓને ગર્ભપાત કરાવવાનો અધિકાર આપવા ૬૮ ટકા પ્રજાજનો સંમતઃ શનિવારે લેવાયેલા જનમતનું પરિણામ

આયર્લેન્‍ડઃ આયર્લેન્‍ડમાં મહિલાઓને ગર્ભપાત કરાવવાનો અધિકાર આપવા લેવાયેલા જનમતમાં ૬૮ ટકા લોકોએ આ અધિકાર આપવા ભલામણ કરી છે.

ઉલ્લેખનીય છે કે આયર્લેન્‍ડમાં અત્‍યાર સુધી મહિલાઓ માટે ગર્ભપાત કરાવવા ઉપર પ્રતિબંધ હતો. જેના પરિણામે ૨૦૧૨ની સાલમાં ભારતીય મૂળની ડેન્‍ટીસ્‍ટ મહિલા સવિતા હલપ્‍પનવાર ગર્ભપાત કરાવી નહીં શક્‍તા મોતને ભેટવા મજબૂર બની હતી.

મહિલાઓના આ અધિકાર માટે લેવાયેલા જનમતમાં ૩૦ લાખ લોકોએ મતદાન કર્યુ હતું. જેમાં જુનો કાયદો રદ કરી મહિલાઓને ગર્ભપાતનો અધિકાર આપવા માટે ૬૮ ટકા લોકોએ સમર્થન આપ્‍યુ હતું.

સાથોસાથ આયર્લેન્‍ડના પ્રાઇમ મિનીસ્‍ટર શ્રી લિયો વારાડકર કે જેઓ ભારતીય મૂળના છે તેમણે પણ મહિલાઓને ગર્ભપાત કરાવવાનો અધિકાર આપવા લોકોને ભલામણ કરી હતી.

(12:33 am IST)
  • નેપાળના પ્રધાનમંત્રીનું મંત્રીઓને ફરમાન :છ મહિનામાં લેપટોપ શીખો નહીંતર બરખાસ્ત કરાશે : પીએમ કેપી ઓલીએ પોતાની સરકારના મંત્રીઓને આદેશ કર્યો કે દરેકે ફરજીયાત લેપટોપ શીખવું પડશે access_time 1:37 am IST

  • સુરત બીટકોઈન કૌભાંડ મામલો : શૈલેષ ભટ્ટના ભાણેજ, નિકુંજ ભટ્ટ પાસેથી CID ક્રાઇમે 55 લાખ ની કિંમતના વધુ 11 બીટકોઈન રિકવર કર્યા. અત્યાર સુધી સીઆઇડી ક્રાઇમે 160થી વધુ બિટકોઇન રિકવર કર્યા છે, જેની અંદાજી કુલ કિંમત રૂ. 9 કરોડ અંકાય છે. access_time 5:37 am IST

  • પેડદાદી, તમારા જેવું કામ કોઈ નથી કરતું : સુરતનાં મીના મહેતાને પાંચ લાખ રૂપિયા અને ટ્રોફી આપતા અક્ષયકુમાર કહ્યું... : તેઓ સ્લમની મહિલાઓ અને કિશોરીઓને ફ્રીમાં સેનિટરી પેડ આપવાનું સેવાકાર્ય કરે છે, જે માટે અક્કીએ દિલ્હીમાં તેમનું સન્માન કર્યું હતું. access_time 4:06 pm IST