Gujarati News

હયુસ્ટનઃ યુ.એસ.ના હયુસ્ટનમાં ૮ જુનના રોજ ત્રીજો વાર્ષિક ઇન્ટરનેશનલ કોનાર્ક ફેસ્ટીવલ યોજાઇ ગયો.

વિઝડમ હાઇસ્કૂલ ખાતે યોજાયેલા આ ફેસ્ટીવલમાં એક જ છત્ર હેઠળ ડાન્સ, મ્યુઝીક ફુડનું આયોજન કરાયુ હતું. આ ફેસ્ટીવલમાં ૩૦૦ ઉપરાંત લોકો જોડાયા હતા.

ફેસ્ટીવલ અંતર્ગત ભારતીય વાદ્યો ફલુટ, સિતાર તથા તબલાની જુગલબંધી સાથે ત્રિતાલ તથા રાગ યમનએ દર્શકોને મંત્રમુગ્ધ કરી દીધા હતા. ઉપરાંત સુર્યસ્તુતિ, યોગા, કલાસિકલ ડાન્સ આસામ ફોક ડાન્સ, વાયોલિન વાદન, વિષ્ણું દશાવતાર, સીતા હરણ સહિતની રામાયણની કૃતિઓ રજુ કરાઇ હતી.

ઓડિસી એકેડમી આયોજીત આ પ્રોગ્રામ ઇન્ડિયન કલાસિકલ ડાન્સ તથા મ્યુઝીકથી હયુસ્ટનના પ્રજાજનોને વાકેફગાર કરવાનો હતો. જેમાં ઉપરોકત સાંસ્કૃતિક કાર્યક્રમો ઉપરાંત આસામ, બેંગાલ, મણિપુર, તેમજ ઓડિસાની વિવિધ ૧૯ જેટલી વાનગીઓનો સ્વાદ પણ સહુએ માણ્યો હતો. તેવું IAN દ્વારા જાણવા મળે છે.