Gujarati News

Gujarati News

News of Monday, 27th July 2020

આગામી 3 મહિનામાં અમેરિકામાં ઘરવિહોણા લોકોની સંખ્યા 28 મિલિયનને આંબી જશે : કોવિદ -19 ની પશ્ચાદ અસરો દેખાવાનું શરૂ : અશ્વેત અને લેટીનો વધુ ભોગ બન્યા હોવાનો અહેવાલ

વોશિંગટન : કોવિદ -19 ને કારણે સંક્રમિત લોકોની સંખ્યા અને મોતને ભેટેલા લોકોની સંખ્યાએ અમેરિકામાં હાહાકાર મચાવી દીધો છે.તેવા સંજોગોમાં નોકરી ધંધા  ગુમાવી દેનારા અને ઘરભાડું પણ નહીં ભરી શકનારા લોકોની સમસ્યા મોં ફાડીને ઉભી છે.
          એક અંદાજ મુજબ હવે રહેણાંક માટેનો મોરેટેરિયમ પીરીઅડ પૂરો થઇ ગયો હોવાથી મકાન ખાલી કરવાની સમસ્યા ઉભી થઇ છે.અને આવા ઘરવિહોણા લોકોની સંખ્યા 28 મિલિયન થઇ જવાની શક્યતા છે.જે માટે હોટેલ અને મોટેલ પણ ઓછા પડે તેમ છે.
          કોવિદ -19 ને કારણે નોકરી ગુમાવનાર લોકો માટે અસ્તિત્વનો સવાલ પણ ઉભો થયો છે. લેબર સ્ટેટેસ્ટિક બ્યુરોના અહેવાલ મુજબ બેરોજગારીનું પ્રમાણ 14.7 ટકા જેટલું થઇ ગયું છે.
          ઉલ્લેખનીય છે કે કોવિદ-19 ના કારણે નોકરી ગુમાવનાર તથા સંક્રમિત થવાને કારણે મૃત્યુ પામનારા લોકોમાં અશ્વેત અને લેટિનોનું પ્રમાણ મોટું છે.
ઉપરોક્ત પ્રશ્ન અંગે ચર્ચા કરવા માટે અને સૂચનો કરવા માટે વર્ચ્યુલી ભેગા થયેલા અગ્રણીઓમાં ડો.માર્ગોટ કુશેલ ,સુશ્રી નિશા વ્યાસ ,શ્રી આકાશ કાલીયા ,તથા શ્રી કુમાર બર્વે સહિતનાઓનો સમાવેશ થતો હતો.

(7:14 pm IST)
  • રાજસ્થાન રાજ્યપાલ કલરાજ મિશ્રનું ફરીથી" ઉહું " : 31 માર્ચના રોજ સત્ર બોલાવવાની માંગણી પણ ઠુકરાવી : કેન્દ્ર સરકારના ઈશારે ઇન્કાર થઇ રહ્યો હોવાનો મુખ્યમંત્રી અશોક ગેહલોતનો આક્ષેપ access_time 12:10 pm IST

  • દેશમાં કોરોનાનો કહેર : છેલ્લા 24 કલાકમાં નવા 46,484 કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 14,82,503 કેસ થયા :4.95,443 એક્ટિવ કેસ :કુલ 9,53,189 દર્દીઓ રિકવર :વધુ 636 લોકોના મોત :મૃત્યુઆંક 33,448 થયો : મહારાષ્ટ્રમાં સૌથી વધુ 7924 કેસ : તામિલનાડુમાં નવા 6993 કેસ :દિલ્હીમાં 613 કેસ : આંધ્રપ્રદેશમાં નવા 6051 કેસ: કર્ણાટકમાં નવા 5324 કેસ :ઉત્તર પ્રદેશમાં 3505 કેસ અને પશ્ચિમ બંગાળમાં વધુ 2112 કેસ :બિહારમાં 2192 નવા કેસ, તેલંગાણામાં 1473 કેસ,રાજસ્થાનમાં 1134 કેસ અને આસામમાં 1348 નવા કેસ અને ઓરિસ્સામાં 1503 કેસ નોંધાયા access_time 1:09 am IST

  • સપ્ટેમ્બરમાં ગુજરાતની ૮ બેઠકો માટે યોજાઈ શકે છે પેટાચૂંટણી : ઉમેદવારોના નામ નક્કી કરવા ભાજપની ઉચ્ચ સ્તરીય બેઠક : કોંગ્રેસમાંથી આવેલા પૂર્વ ધારાસભ્યને મળી શકે છે ભાજપની ટીકીટ access_time 5:34 pm IST