Gujarati News

Gujarati News

News of Monday, 27th July 2020

દુબઈમાં પત્નીની હત્યા કરવા બદલ ભારતીય મૂળના યુવાનને આજીવન કેદ : ચારિત્ર્ય ઉપર શંકાનો કરૂણ અંજામ

દુબઇ : દુબઈમાં પત્નીની હત્યા કરવા બદલ ભારતીય મૂળના યુવાન 44 વર્ષીય યોગેશ સી.એસ.ને આજીવન કેદની સજા ફરમાવાઈ છે.
પ્રાપ્ત વિગત મુજબ સપ્ટેમ્બર 2019 માં આરોપીએ ધોળે દિવસે પત્ની વિદ્યા ચંદ્રનના નોકરીના સ્થળ ઉપર જઈ પાર્કિંગની જગ્યામાં છરીના ઘા મારી હત્યા કરી નાખી હતી.
પત્નીના પરિવારજનોના મત મુજબ તે પત્નીને અવારનવાર હેરાન કરતો હતો.તથા તેને પરપુરુષ સાથે લફરું હોવાની શંકા કરતો હતો.
પત્ની ઓનમઃ તહેવાર ઉજવવા ભારત જવાની હતી તેના થોડા સમય પહેલા તેની હત્યા કરાઈ હતી.જેના અનુસંધાને નામદાર કોર્ટએ પતિને ઉપરોક્ત સજા ફરમાવી હોવાનું સમાચાર સૂત્રો દ્વારા જાણવા મળે છે.

(1:21 pm IST)
  • કોરોનાથી ભારે અસર ગ્રસ્ત રાજયોના મુખ્યમંત્રીઓ : ઉધ્ધવ ઠાકરે (મહારાષ્ટ્ર), મમતા બેનર્જી (પં.બંગાળ) અને યોગી આદિત્યનાથ (ઉ.પ્ર.) સાથે આજે નરેન્દ્રભાઇની વિડીયો કોન્ફરન્સ access_time 12:55 pm IST

  • ચીન હસ્તકના તિબેટમાં આવેલ ચેંગડુ એલચી કચેરી ખાલી કરી જતા અમેરીકનોઃ ચીનાઓ એકત્ર થયા : ચીન હસ્તકના તિબેટમાં આવેલા ચેંગડુ ખાતેની અમેરીકન એલચી કચેરીના સ્ટાફે ૭૨ કલાકમાં અલ્ટીમેટમ પુરૂ થતાવેંત એલચી કચેરી છોડી દીધી છે. અમેરીકાના ટેકસાસના હયુસ્ટન ખાતે ચીની એલચી કચેરી બંધ કરાવ્યાના પગલે ચીને ચેંગડુની અમેરીકી એલચી કચેરી બંધ કરાવી છે. ચીનાઓએ એલચી કચેરી બહાર એકત્ર થઇ તસ્વીરો, વિડીયો લીધી હતી ૩૫ વર્ષથી આ એલચી કચેરી તિબેટ સહિત પશ્ચિમ ચીન જોડે સંપર્ક રાખી રહેલ હતી. access_time 2:41 pm IST

  • દેશમાં કોરોનાનો કહેર : છેલ્લા 24 કલાકમાં નવા 46,484 કેસ નોંધાયા : રાત્રે 12 વાગ્યા સુધીમાં દેશમાં કોરોનાના કુલ 14,82,503 કેસ થયા :4.95,443 એક્ટિવ કેસ :કુલ 9,53,189 દર્દીઓ રિકવર :વધુ 636 લોકોના મોત :મૃત્યુઆંક 33,448 થયો : મહારાષ્ટ્રમાં સૌથી વધુ 7924 કેસ : તામિલનાડુમાં નવા 6993 કેસ :દિલ્હીમાં 613 કેસ : આંધ્રપ્રદેશમાં નવા 6051 કેસ: કર્ણાટકમાં નવા 5324 કેસ :ઉત્તર પ્રદેશમાં 3505 કેસ અને પશ્ચિમ બંગાળમાં વધુ 2112 કેસ :બિહારમાં 2192 નવા કેસ, તેલંગાણામાં 1473 કેસ,રાજસ્થાનમાં 1134 કેસ અને આસામમાં 1348 નવા કેસ અને ઓરિસ્સામાં 1503 કેસ નોંધાયા access_time 1:09 am IST