Gujarati News

Gujarati News

News of Friday, 25th May 2018

આયર્લેન્‍ડમાં એબોર્શન ઉપરનો પ્રતિબંધ ઉઠાવી લેવા આવતીકાલ ૨૫મેના રોજ જનમત લેવાશેઃ ભારતીય મૂળના પ્રાઇમ મિનીસ્‍ટરશ્રીલિઓ વરાડકરે જુનો કાયદો રદ કરી ગર્ભપાત કરાવવા મહિલાઓને અધિકાર આપવા પ્રજાજનોને વિનંતી કરી

આયર્લેન્‍ડઃ આયર્લેન્‍ડના કાયદાઓ મુજબ મહિલાને ગર્ભપાત કરાવવા ઉપર પ્રતિબંધ હોવાથી જરૂર કિસ્‍સામાં પણ એબોર્શન નહીં થઇ શકતા ગર્ભવતી મહિલા મોતને ભેટે છે. જેનું ઉદાહરણ ભારતીય મૂળની ડેન્‍ટીસ્‍ટ મહિના સવિતા છે. જેને ગર્ભપાતની મંજુરી નહીં મળતા ૨૦૧૨ની સાલમાં તેનું કરૂણ મોત થયું હતું.

આવી ઘટનાઓ નિવારવા માટે તથા સ્‍ત્રીને ગર્ભપાત કરાવવાનો અધિકાર આપવા માટે આયર્લેન્‍ડમાં કાલે જનમત લેવાશે. જેમાં ગર્ભપાત ઉપર પ્રતિબંધ ઉઠાવી લેવા માટે મતદાન કરવા દેશના ભારતીય મૂળના પ્રાઇમ મિનીસ્‍ટર શ્રીલિઓ વરાડકરે પ્રજાજનોને અપીલ કરી છે. તેવું સમાચાર સૂત્રો દ્વારા જાણવા મળે છે.

(10:50 pm IST)
  • સુરતની લેડી ડૉન અસ્મિતા ગોહિલ ઉર્ફે ભૂરીએ પોતાનો ગુનો કબૂલ્યો છે અને હવે સુધરવાની વાત કરી છે. ભૂરીએ કહ્યું કે મારા પર જે આરોપ લાગ્યા છે તે સાચા છે. વાઈરલ થયેલો વીડિયો પણ મારો છે. ભૂરીએ પોતાની ભૂલ પણ સ્વીકારી અને કહ્યું કે જેલમાંથી બહાર આવીને હું મારી ભૂલ સુધારવા માગું છું. ભૂરીએ કહ્યું કે હવે મને લાગે છે કે મારે સુધરી જવું જોઈએ. ભૂરીએ આ નિવેદન કોર્ટ બહાર આપ્યું હતું. access_time 1:23 am IST

  • ગઈ કાલની મહત્વની મેચમાં કોલકાતાની ટીમ સાથે શાહુરૂખ જોવા મળ્યો નહોતો. હૈદરાબાદ સાથેની મેચ હાર્યા બાદ પણ શાહુરૂખે સોશિયલ મીડિયા પર કેકેઆર ને પ્રેરણાત્મક મેસજ આપતા લખ્યુ હતુ કે, તમે શાનદાર પ્રદર્શન કર્યુ. તમને પોતાના પર ગર્વ હોવો જોઈએ. તમે લોકોએ સૌથી બહેતર રમત બતાવી, આપ સૌની સાથે મારો પ્રેમ યથાવત છે અને હું ખુશ છું, અમારા સૌના મનોરંજન માટે તમારો ધન્યવાદ. access_time 2:16 pm IST

  • નોટબંધીનું પુરજોર સમર્થન કરનારા બિહારનાં મુખ્યમંત્રી નીતીશ કુમારે યૂ ટર્ન લેતા તેનાં પર સવાલો ઉભા કર્યા છે. એક નિવેદનમાં તેમણે કહ્યું કે, નોટબંધીનો લાભ જેટલો મળવો જોઇએ તેટલો નથી મળ્યો. લાભ કેમ નથી મળ્યો તેનું કારણ તેમણે જણાવ્યુ હતું. નોટબંધીની નિષ્ફળતા માટે તેમણે બેંકોને જવાબદાર ઠેરવી હતી. તેમણે કહ્યું કે દેશની પ્રગતીમાં બેંકોની ઘણી મોટી ભુમિકા છે. મુખ્યમંત્રીએ કહ્યું કે, બેંકોને જમા અને પૈસા ઉપાડવા તથા લોન આપવાનું જ કામ નથી કરવાનું, પરંતુ દરેકે દરેક સરકારી યોજનામાં પણ બેંકોની ઘણી મોટી ભુમિકા હોય છે. access_time 1:22 am IST