Gujarati News

Gujarati News

News of Thursday, 24th May 2018

અમેરિકામાં ભારતની ભાવિ પેઢીનો દબદબોઃ રાષ્‍ટ્રિય કક્ષાની સુપ્રતિષ્‍ઠિત ‘‘નેશનલ જીઓગ્રાફિક બિ'' સ્‍પર્ધાના પ્રથમ ત્રણે વિજેતા તરીકે ઇન્‍ડિયન અમેરિકન સ્‍ટુડન્‍ટસઃ પ્રથમ વિજેતા વેંકટ રંજનને ૫૦ હજાર, દ્વિતીય વિજેતા અનૌષ્‍કા બુધ્‍ધિકોટને ૨૫ હજાર, તથા તૃત્રિય વિજેતા વિશાલ શેર્ડને ૧૦ હજાર ડોલરની સ્‍કોલરશીપ સાથે લાઇફ ટાઇમ મેમ્‍બરશીપ

વોશીંગ્‍ટન ડીસીઃ અમેરિકામાં વસતી ભારતની ભાવિ પેઢીના બાળકોએ તેમના બુધ્‍ધિધનનો પરચો દેખાડી દીધો છે. જે મુજબ ગઇકાલ ૨૩મે  ૨૦૧૮ના રોજ વોશીંગ્‍ટન ડીસીમાં યોજાયેલી ૩૦મી વાર્ષિક ‘‘નેશનલ જીઓગ્રાફિક બિ ૨૦૧૮''માં પ્રથમ ક્રમાંકના ત્રણે વિજેતાઓ તરીકે ઇન્‍ડિયન અમેરિકન સ્‍ટુડન્‍ટસ ઉભરી આવ્‍યા છે.

પ્રથમ વિજેતા તરીકે કેલિફોર્નિયા સ્‍થિત ઇન્‍ડિયન અમેરિકન સ્‍ટુડન્‍ટ ૧૩ વર્ષીય વેંકટ રંજનએ સ્‍થાન હાંસલ કર્યુ છે. દ્વિતિય વિજેતા તરીકે ન્‍યુજર્સીના ૧૩ વર્ષીય અનૌષ્‍કા બુધ્‍ધિકોટ, તથા તૃત્રિય વિજેતા તરીકે જયોર્જીયા સ્‍થિત ૧૪ વર્ષીય સ્‍ડુડન્‍ટ વિશાલ શેર્ડએ સ્‍થાન મેળવ્‍યું છે.

પ્રથમ વિજેતા ચેમ્‍પીઅનને પચાસ હજાર ડોલર દ્વિતીય વિજેતાને પચીસ હજાર તથા તૃત્રિય વિજેતા સ્‍ટુડન્‍ટને દસ હજાર ડોલર સ્‍કોલરશીપ, ઉપરાંત નેશનલ જયોગ્રાફિક સોસાયટીના લાઇફ ટાઇમ મેમ્‍બરશીપ, તથા મેગેઝીન, અપાશે તેવું સમાચાર સૂત્રો દ્વારા જાણવા મળે છે.

(10:49 pm IST)
  • દિલ્હીના મુખ્ય સચિવ અંશુ પ્રકાશ સાથે કથિત મારપીટ મામલે નાયબ મુખ્યમંત્રી મનીષ સિસોદીયાની ત્રણ કલાક પૂછપરછ :એડિશનલ ડીસીપી હરેન્દ્રસિંહના નેતૃત્વમાં એક ટીમે સિસોદીયાના મથુરા રોડ પરના ઘરે 165 મિનિટ પૂછપરછ કરી અને અંદાજે 125 સવાલ કર્યા :પોલીસે કહ્યું જવાબથી સંતુષ્ટ access_time 1:18 am IST

  • આગામી 24 કલાકમાં ગોવા અને મહારાષ્ટ્ર્ના કિનારે મેનુકુ વાવાઝોડાની ચેતવણી :મહારાષ્ટ્રં અને ગોવાના દરિયાકાંઠે ચક્રવાત ટકરાશે :હવામાન વિભાગે આગાહી કરતા કહ્યું કે તા; 27થી 29 દરમિયાન ભારે વરસાદની શકયતા છે access_time 1:26 am IST

  • નોટબંધીનું પુરજોર સમર્થન કરનારા બિહારનાં મુખ્યમંત્રી નીતીશ કુમારે યૂ ટર્ન લેતા તેનાં પર સવાલો ઉભા કર્યા છે. એક નિવેદનમાં તેમણે કહ્યું કે, નોટબંધીનો લાભ જેટલો મળવો જોઇએ તેટલો નથી મળ્યો. લાભ કેમ નથી મળ્યો તેનું કારણ તેમણે જણાવ્યુ હતું. નોટબંધીની નિષ્ફળતા માટે તેમણે બેંકોને જવાબદાર ઠેરવી હતી. તેમણે કહ્યું કે દેશની પ્રગતીમાં બેંકોની ઘણી મોટી ભુમિકા છે. મુખ્યમંત્રીએ કહ્યું કે, બેંકોને જમા અને પૈસા ઉપાડવા તથા લોન આપવાનું જ કામ નથી કરવાનું, પરંતુ દરેકે દરેક સરકારી યોજનામાં પણ બેંકોની ઘણી મોટી ભુમિકા હોય છે. access_time 1:22 am IST