Gujarati News

Gujarati News

News of Wednesday, 23rd May 2018

‘‘તેરા તૂજકો અર્પણ'': વતન ભારતના વંચિત બાળકોને હોસ્‍પિટલમાં સારવાર દરમિયાન વેન્‍ટીલેટર પૂરા પાડવાનું અભિયાનઃ IAP મેમ્‍બર ડો.મોના પટેલ દ્વારા ન્‍યુજર્સીમાં ૨૦મેના રોજ વોક-થોન ફંડ રેઇઝીંગ પ્રોગ્રામ યોજાયો

પરામસઃ વતન ભારતમાંથી મેળવેલુ પાછુ વાળવા તથા શક્‍ય તેટલું ઋણ ઉતારવા ઇન્‍ડિયન અમેરિકન IAP સમર્થક ડો.મોના પટેલ દ્વારા તાજેતરમાં ૨૦મે ૨૦૧૮ના રોજ વોક-થોન ફંડ રાઇઝર પ્રોગ્રામું આયોજન કરાયું હતું.

પરામસ તથા આજુબાજુના નગરોમાં વસતા લોકોના સહકારથી યોજાઇ ગયેલ આ  વોકથોન દ્વારા ભેગા થયેલા ફંડનો ઉપયોગ મુંબઇની સરકારી હોસ્‍પિટલોમાં સારવાર લેતા વંચિત બાળકો વેન્‍ટિલેટર પૂરા પાડવા કરાશે.

સેડલ રિવર કાઉન્‍ટી પાર્ક ખાતેથી સવારે ૯ વાગ્‍યે શરૂ કરાયેલી વોક-થોનમાં ૧ કિ.મી., ૫ કિ.મી. તથા ૧૦ કિ.મી એમ ત્રણ વિભાગ પાડવામાં આવ્‍યા હતા. જેમાં જુદી જુદી ઉંમરના IAP મેમ્‍બર્સ તથા શુભેચ્‍છકો અને સમર્થકો જોડાયા હતા.

૨૦૧૫ની સાલથી શરૂ કરાયેલા ચેરીટેબલ ટ્રસ્‍ટ દ્વારા ૨૦૧૬ની સાલમાં વસઇ-મહારાષ્‍ટ્ર ખાતેની મ્‍યુનિસિપલ હોસ્‍પિટલમાં દાખલ થયેલા વંચિત બાળકોને વેન્‍ટીલેટર પૂરા પાડવામાં આવ્‍યા હતા. ટ્રસ્‍ટ દ્વારા અત્‍યાર સુધીમા પુરી પડાયેલ સહાયથી ૧૦૦ ઉપરાંત બાળકોની જીંદગી બચાવી શકાઇ છે. તેવું IAP કમિટી દ્વારા જાણવા મળે છે.

(9:14 pm IST)
  • ડોક્ટર્સ વિધાઉટ બોડર્સે શનિવારે જણાવ્યું હતું કે, માનવ તસ્કરો દ્વારા બંધક બનાવીને રાખવામાં આવેલા 100થી વધુ પ્રવાસીઓ અને શરણાર્થીઓને ઉત્તર પશ્ચિમ લીબિયાની ગુપ્ત જેલમાંથી ભાગવા દરમિયાન ગોળી મારવામાં આવી હતી. આ ઘટનામાં ઘણા લોકોને ઈજા પહોંચી છે. વિશ્વ સ્વાસ્થ્ય સંગઠ WHOને કહ્યું છે કે, બુધવારે (23 મે) રાત્રે થયેલી આ ઘટનામાં બચેલા લોકોએ જણાવ્યું હતું કે આ ઘટનામાં ઓછામાં ઓછા 15 લોકોના મોત થયા છે અને 40 લોકોને ઈજા પહોંચી છે. આ ઘટનામાં મહિલાઓ વધુ ભોગ બની છે. access_time 1:22 am IST

  • સુરતમાં કતલખાને લઈ જવાતા ગાય-વાછરડાને બચાવાયાઃ ગૌરક્ષકો ઉપર હુમલો : માંડવીમાં ગૌરક્ષકોએ એક વાનમાં લઈ જવાતા ગાય વાછરડાઓને છોડાવ્યા : તાપીના વલોડની ગાય વાછરડાને લઈ જવાતા હતા ત્યારે ઝડપી લેતા કસાઈઓએ ગૌરક્ષકો ઉપર હુમલો કર્યો access_time 7:07 pm IST

  • સુરતની લેડી ડૉન અસ્મિતા ગોહિલ ઉર્ફે ભૂરીએ પોતાનો ગુનો કબૂલ્યો છે અને હવે સુધરવાની વાત કરી છે. ભૂરીએ કહ્યું કે મારા પર જે આરોપ લાગ્યા છે તે સાચા છે. વાઈરલ થયેલો વીડિયો પણ મારો છે. ભૂરીએ પોતાની ભૂલ પણ સ્વીકારી અને કહ્યું કે જેલમાંથી બહાર આવીને હું મારી ભૂલ સુધારવા માગું છું. ભૂરીએ કહ્યું કે હવે મને લાગે છે કે મારે સુધરી જવું જોઈએ. ભૂરીએ આ નિવેદન કોર્ટ બહાર આપ્યું હતું. access_time 1:23 am IST